Read Saluan MAZMUR 97 Bible Online

MAZMUR 97 - Saluan bible

MAZMUR 97

¹Tumpu aijo'mo na Tomundo'! Dunia tionyo ahi' balame-lame'mo ka' iwi-iwi' na togong suele ahi' balame-lame'mo.

²Ia tinikubanmo nu kundom ka' kapintungan; ka'adilan ka' atulan aijo'mo na bau katinjoan nu kapalentahan-Nyo.

³Apu nokaanmo i ahopnyo, nontoyo'imo anu monsampobali' aijo' titikub hi Ia.

⁴Kilatnyo nonjingkaimo dunia, dunia ilakatnyomo na nontoa.

⁵Iwi-iwi' na bungkutnyo inoe'mo susumo tahu' i ahop nu Tumpu, i ahop nu Tumpu anu mongkuasai songko-songko na dunia.

⁶Langit nombebakonmo ka'adilan-Nyo, ka' iwi-iwi' na bansa nontoamo kaholomatan-Nyo.

⁷Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

⁸Anu monjojoongi Sion tiba kota' iwi-iwi' i da'erah Yehuda sanangmo, salatan nohongomo kaputusan nu Tumpu.

⁹Kalana Belento, o, Tumpu, anu mongkuasai songko-songko na dunia; Belento talasanggo hondo molingkudui iwi-iwi' na pilogot.

¹⁰O, belemiu mian anu mongka'ima'i Tumpu, ka'ideki na kalakuan anu ma'idek! Kalana Tumpu monjagai kantumuu'an nu mian anu palesayamo hi Ia, Ia nompobebasmo aha da madi' nukuasai nu mian anu palaganta.

¹¹Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

¹²Balame-lame'mo, o to mia-mian anu hodi' na kinyonyoanyo, kalana nontaupmo apaa na anu binaumo nu Tumpu, ka' pontalima kasemo hi Tumpu anu susi' hondo.