Read Saluan YESAYA 22 Bible Online

YESAYA 22 - Saluan bible

YESAYA 22

¹Sumo uuka na potuunon mongkona Bangka'nyo nu Pinontoan; O, belemiu mian nu Yerusalem, kadaka' belemiu noliba'mo nokiita' i atop nu laigan?

²Madi' pantas na iwi-iwi' na kota' sola' mombau bau-bauon ka' lewa' montaligalai. Kalana iwi-iwi' na suludadu nu belemiu anu sinilaka aiya misa' sinilaka kalana nahampate.

³Iwi-iwi' na talenga' nu belemiu nopalaimo ka' ihakopmo padahan aha ma'isa pe'e kino kasampatan nompeletakon pana' nu aha. Iwi-iwi' na mian anu toto hoso-hoson atina' hi belemiu ihakopmo suele maumo ahi' aha nopalaimo jo'o-jo'on.

⁴Boli mae mompalahatikan aku; bakas da ku haangi ahi' na to mia-mian bansangku anu sinilakamo.

⁵Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

⁶Aha mian nu Siria tinokamo mae nonsake'i ajahan tiba kareta anu bau pahampate, aha mian nu Elam toongon mae nu aha bau pahampate pompelet tiba hihisnyo, aha mian nu Kir nomposadia mae kanta nu aha.

⁷Iwi-iwi' na Bangka'nyo anu molumba' i daerah Yehuda kahomo kareta anu bau pahampate. Gombuan nu suludadu anu nonsake'i ajahan kahomo sasadia i iwi-iwi na sabatan daka' nu Yerusalem.

⁸Iwi-iwi' na benteng nu aha Yehuda nohobo'mo. Tempo'nyo aijo' belemiu mompalesamo posadiaon anu bau pahampate igudang nu toongon anu bau pahampate.

⁹Belemiu montoamo manjoo' hondo na anu na'idekmo na pagan mesen nu kota' Yerusalem anu palalumo ahi' opoko ima'i. Belemiu mompalesamo iwi-iwi' na laigan i Yerusalem, ka' sangga'at o'alinimo ka' opakemo na batunyo pompoko ima'i pagan mesen nu kota'. Da bau pomposa'angu'an uee,

¹¹belemiu mombaumo ahi' kolam i uno nu kota'ka' o'iliakonmo ahi' mokiijo' na ueenyo lengkat mae ikolam pini-pininmo. Panyo belemiu madi' mompalahatikan Tumpu Allah anu pininmo na nontanga'i iwi-iwi' aijo' ka' anu nompotuka'mo kalaja aijo' sahingga jinadimo.

¹²Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

¹³ Panyo lebe ma'ima' belemiu balasana-sanangmo ka' pombaumo bau-bauon, mongkaan antok nu binatang ka' mule' monginum anggur ka' lewa' motatae, “Imbo' da kita mongkaan ka' mule' lewa' monginum kalana dodop kita silakamo!”

¹⁴Tumpu Anu Matangkas na Kuasanyo ka' Anu Daka' na Kuasanyo nanintoamo hi belengku ka' notataemo mae, “Totu-totu'u palabuatan nu aha ma'i-ma'idek aijo' madi'mo daagi' Ku ampuni sampe aha silaka. Aku, Tumpu notataemo.”

¹⁵Tumpu Anu Matangkas na Kuasanyo ka' Anu Daka' na Kuasanyo nonsaimo aku da monsingkaboti i Sebna anu mongkapalai auan nu laigan nu tomundo, da mompoto'i potuunon nu Tumpu aiya hi ia,

¹⁶“Pa' koonyo nu beleyum, ihe na beleyum aiya? Apaa na hak nu beleyum sahingga beleyum mompa'atimo bau kubulan nu beleyum i puge'nyo nu batu?

¹⁷Bala'ingati Ku alinmo na beleyum jo'o-jo'on. Beleyum Ku baumo susumo ampas ka' Ku lulunmo lantas Ku luntunakonmo susumo bola mamba ilipu' anu daka'.

¹⁹Kalana aijo' beleyum Ku pobelentimo da madi'mo montoongi pangkat nu beleyum atina' ka' Ku tau'akonmo na pangkat nu beleyum da bolimo montoongi pangkat nu beleyum mata-matangkas atina'.

²⁰Tempo'nyo aijo' Ku lagamo na posaihon-Ku i Elyakim, anak i Hilkia.

²¹Baju' pesalin ka' mule' pombutu' nu beleyum Ku popusokmo hi ia. Iwi-iwi' na kakuasa'an nu beleyum Ku bee'mo hi ia. Iamo na timbali tuuma nu mian anu jojoong i Yerusalem tiba i Yehuda.

²² Iamo na balakuasa totu-totu'u i alu'nyo nu kakuasa'an nu tomundo' lee' mae i Daud. Iamo na montoongi gunsing nu kalaja'an. De ia na montuhea'akon madi' ko anu moko ala po ule' mompotumban, ka' mule' de ia na mompotumban madi' ko anu moko ala po ule' montuhea'akon.

²³Ia ku bee'imo pangkat anu mahoson hondo susu mo apa anu pinokona mahoson hondo i mesen. Iwi-iwi' na to utu-utusnyo mae oholomatimo kalana ia.

²⁴Panyo to mia-mian anu mompahasumbu' tiba ia ka' mian anu nu kalesang aijo' baumo tanggungannyo. Aha mompasehakonmo kantumuu'an nu aha hi ia, susumo pamutu' tiba kuhon singkapmo maningkalayo' i sapa anu bau pompokalayo'an.

²⁵De bisuanyo aijo' jadimo saba' sapa anu pinokonamo hoso-hoson aijo' tonggautmo ka' manabu'mo. Ka' aijo'mo na kamingkotannyo nu to utu-utusnyo ka' iwi-iwi' na mian anu mompasehakon butong nu aha hi ia. Aku, Tumpu, notataemo.”