Read Saluan IMAMAT 15 Bible Online

IMAMAT 15 - Saluan bible

IMAMAT 15

¹Tumpu nombee'mo hi Musa ka' hi Harun atulan haha aiya kona hi bansa Israel.

²De samian na mo'ane ko anu mae lumene kalana ko anu masakit i bahagian ka'ambangan anu i lumene aijo' mahumimi',

³maumo anu nosabatmo maumo anu madi' nosabat.

⁴Tampat kinasuhangannyo kabai kinahoyotan nu mian aijo' tinimbalimo nahumimi'.

⁵Ihe na monsala' kanyang mian anu, ko anu i lumene mae aijo' kabai anu kinahoyotannyo aijo', kabai sinumuhang i tampat kinasuhangannyo, kabai anu pinitupe'an nu mian aijo', ia tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

⁹Polapisi kasuhangan kabai maumo pa' apaa na anu nu suhangi nu mian anu, ko anu i lumene mae aijo' tinimbalimo nahumimi'.

¹⁰Ihe na monsala' kanyang apa-apaa na anu sinuhanganmo nu mian aijo', ia nahumimi'mo sangkutnyo sinaa makakinsapmo. Batu-batu mian anu mohangkat balang aijo' tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

¹¹De mian anu ko anu i lumene mae aijo' madi' mombaso'i pe'e limanyo lantas mongkanyangmo mian sangga'at, saba' mian anu kinanyangnyomo aijo' tionyo ahi' mombaso'i baju'nyo ka' mindii', ka' ia mahumimi' sangkutnyo sinaa makakinsapmo.

¹²Kuhon tano' anu sinala' kanyangmo nu mian aijo' tionyo ahi' o poso' ka' pakakas anu tinoongannyomo tionyo ahi' obaso'i.

¹³De ma'alinmo na mian aijo', ia tionyo ahi' montanda'i pitun sinaa. Lapas aijo' ia tionyo ahi' mombaso'i baju'nyo ka' mindii' i mata nu uee, sahingga ia belesi'mo.

¹⁴Toka i sinaa ko ialunnyo ia tionyo ahi' momboa ohua' na tomonsi' malapati' bata'nyo kabai tomonsi' sapatau bata'nyo i ahop nu sabatan nu Kemah nu Tumpu lantas obee'mo hi imam.

¹⁵Imam tionyo ahi' monsombahkonmo sa'angu' na tomonsi' bau koloban pongampuni dosa' ka' sa'angu' mule' bau koloban anu opotunu. Sumo aijo'mo na imam mombau anu pomposusi' mian aijo' hi ahop nu Tumpu.

¹⁶De samian na mo'a-'ane monsabatakonmo hamane'nyo ia tionyo ahi' mindii' panyo tataap mahumimi' sangkutnyo sinaa makakinsapmo.

¹⁷Maumo pa' balang apaa, hude kabai kilit anu kinonamo nu hamane'nyo aijo' tionyo ahi' obaso'i; balang aijo' mahumimi' sangkutnyo sinaa makakinsapmo.

¹⁸De lapasmo moduhus mau mo'ane kabai boune tionyo ahi' mindii' panyo aha tataap mahumimi' sangkutnyo sinaa makakinsapmo.

¹⁹Samian na boune anu hau-haunyo tinokamo na adat nu aha boune, mahumimi'mo pitun sinaa na kopinnyo. Ihe na monsala' kanyang ia mahumimi'mo sangkutnyo sinaa makakinsapmo.

²⁰Maumo pa' apaa na anu osuhangi kabai kamale'an nu boune aijo' de daagi' ko adat nu aha boune aijo' tinimbalimo nahumimi'.

²¹Ihe na monsala' kanyang tampat anu kinamale'annyomo kabai sinuhangannyomo nu boune aijo' anu hau-haunyo tinokamo na adat nu aha boune, tionyo ahi' mombaso'i baju'nyo ka' mindii', ka' ia mahumimi'mo sangkutnyo sinaa makakinsapmo.

²⁴De samian na mo'ane moduhusmo tiba boune anu hau-haunyo tinokamo na adat nu aha boune, mo'ane aijo' suele mahumimi'mo kopinnyo pitun sinaa, ka' batu-batu tampat kamale'an anu kinamale'annyomo suele nahumimi'mo.

²⁵De samian na boune binuntulanmo nu home pa' pian sinaa na kopinnyo, misa' kalana tinokamo na adat nu aha boune, kabai adat nu aha boune aijo' madi'mo kinokabelentiannyo, padahan kabelentiannyomo, ia tataap mahumimi' kopinnyo aijo' pokakana susumo tinokamo na adat nu aha boune.

²⁶Tampat kinamale'an kabai kinasuhangannyo aijo' tinimbalimo nahumimi'.

²⁷Ihe na monsala' kanyang tampat aijo' suele mahumimi'mo. Ia tionyo ahi' mombaso'i baju'nyo ka' mindi' ka' ia mahumimi' sangkutnyo sinaa makakinsapmo.

²⁸De ia nubuntuli nu home aijo' ma'alinmo, boune aijo' tionyo ahi' daagi' montanda'i pitun sinaa na kopinnyo. Lapas aijo' atinaje ka' ia belesi'mo.

²⁹Toka i sinaa ko ialunnyo ia tionyo ahi' momboamo ohua' na tomonsi' malapati' bata'nyo kabai tomonsi' sapatau bata'nyo hi imam i ahop nu sabatan nu Kemah nu Tumpu.

³⁰Sa'angu' na tomonsi' tionyo ahi' osombahkon bau koloban pongampuni dosa', ka' sa'angu' mule' bau koloban anu opotunu. Tiba jalan sumo aijo' imam mombaumo anu bau pomposusi' boune aijo' i ahop nu Tumpu.

³¹Tumpu nompokaumo i Musa mompo'ingat bansa Israel da sabole-bole monginau' hipian na aha mahumimi' ka' hipian na aha madi'mo mahumimi', da aha madi' mohumimi'i Kemah nu Tumpu anu aijo' i totonga' nu kemah nu aha. De aha mohumimi'i Kemah aijo', aha silakamo.

³²Sumo aijo na atulannyo mongkona mo'ane de ko anu mae lumene kalana ko anu masakit i bahagian ka'ambangan.

³³Mongkona boune anu hau-haunyo tinokamo na adat nu aha boune ka' mongkona mo'ane anu moduhusmo tiba boune anu tinokamo na adat nu aha boune.