Read Saluan IMAMAT 18 Bible Online

IMAMAT 18 - Saluan bible

IMAMAT 18

¹Tumpu nompokaumo i Musa

²da mompotoka palentah aiya hi bansa Israel, “Akumo na Tumpu Allah nu belemiu.

³Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

⁴Tuluti na atulan-Ku haha aiya ka' obau apaa na anu Ku palentahkon. Akumo na Tumpu Allah nu belemiu.

⁵ Tuluti na atulanKu haha aiya ka' palentang-Ku haha aiya anu Ku bee'mo hi belemiu. De obau nu belemiu na aijo', kantumuu'an nu belemiu salamat. Akumo na Tumpu.”

⁶Tumpu nombee'imo atulan haha aiya. Boli moduhus tiba sala' samian na poto utusan mae nu belemiu.

⁷Boli moduhus tiba tina nu belemiu, tiba bengkele' nu tuuma nu belemiu, kalana tuuma nu belemiu na mohaki ia.

⁸ Boli mongambangi tuuma nu belemiu kalana moduhusmo tiba sala' samian na bengkele'nyo sangga'at.

⁹ Boli moduhus tiba utus nu belemiu boune kabai moto utus sintomu, mau anu pinojoong sa'a-sa'angu'mo na laigan tiba beleyum, maumo anu pinojoong i laigan sangga'at.

¹⁰Boli moduhus tiba makumpu nu belemiu; aijo' mongambangi posi butongmo nu belemiu.

¹¹Boli moduhus tiba utus nu belemiu boune anu sa'a-sa'angu'mo na tuuma panyo madi' sa'a-sa'angu'mo na tina, kabai sa'a-sa'angu'mo na tina panyo ko posi-posi tuuma, kalana ia suele utusmo ahi' nu belemiu.

¹² Boli moduhus tiba dada' nu belemiu pa' ia utus nu tuuma nu belemiu kabai utus nu tina nu belemiu.

¹⁴Boli moduhus tiba bengkele' nu babo' nu belemiu, kalana ia suele' dada'mo ahi' nu belemiu.

¹⁵ Boli moduhus tiba anak nu monian nu belemiu kabai tiba bengkele'nyo nu utus tu'a nu belemiu.

¹⁶ Boli moduhus tiba anak kabai makumpu nu samian na boune anu toho'mo nompaha kanaya tiba belemiu. Ugaat aha aijo' julu mae nu belemiu ka' aijo' sa'angu' na palabuatan anu madi' talakana'.

¹⁸Boli mo'osoa tiba boune utus nu bengkele' nu belemiu de daagi' bengkele' nu belemiu tutuu'.

¹⁹ Boli moduhus tiba samian na boune de daagi' ko adat nu aha boune, kalana ia daagi' mahumimi'.

²⁰ Boli moduhus tiba bengkele' nu mian sangga'at, de mombau anu sumo aijo' belemiu timbalimo mahumimi'.

²¹ Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

²² To momo'ane madi' timbali moduhus tiba sangko mo'anenyo; Tumpu Allah mongka'ideki palabuatan aijo'.

²³ Mo'ane kabai boune boli hondo-hondo moduhus tiba binatang, palabuatan anu ma'idek aijo' mohumimi'imo belemiu.

²⁴Boli mohumimi'i butong nu belemiu nu palabuatan haha aijo' kalana tiba han anu sumo aijo' to bansa-bansa anu jojoong i Kana'an, ma'isa pe'e kino belemiunyo nohumimi'imo butong nu aha. Kalana aijo' Tumpu nolaa'mo aha, da belemiu timbali monjojoongi lipu' aijo'.

²⁵Aha nombaumo iwi-iwi' na palabuatan anu moko pahumimi' aijo', sahingga tano' nu aha tinimbalimo nahumimi'. Sahingga Tumpu nohukumo aha ka' madi'mo nompobee' aha jinojoong ikiijo' mae. Panyo belemiu boli hondo-hondo mombau palabuatan anu sumo aijo'. Belemiu iwi-iwi', mian nu Israel tiba mian anu lengkat mae i salipu'an anu tataapmo jojoong tiba belemiu, tionyo ahi' montuluti atulan ka' palentah nu Tumpu,

²⁸da belemiu boli o hukum ka' Nu laa'mo madi' timbali jojoong i tano' aijo'. Susumo to mia mian anu madi' monsumbu' Tumpu, anu jinojoongmo kiijo' mae ma'isa pe'e kino belemiunyo.

²⁹Da osumbu' nu belemiu saba' ihe na mombau palabuatan anu moko pahumimi' aijo' madi'mo daagi' oposoop mian anu pi nalesayamo hi Tumpu Allah.

³⁰Sahingga Tumpu notataemo, “Otuluti na atulan haha aiya anu Ku bee' ka' boli montiho palabuatan nu to mia-mian anu monjojoongi tano' nu Kana'an ma'isa pe'e kino belemiunyo. Boli oposi humimi'i na butong nu belemiu nu palabuatan haha aijo'. Akumo na Tumpu Allah nu belemiu.”