Read Saluan YEHEZKIEL 1 Bible Online

YEHEZKIEL 1 - Saluan bible

YEHEZKIEL 1

¹ Itanggan olima' bitu'on anu ko opatnyomo; itaun kotolumpulu'nyomo, sala'je kinona itaum kino olima'nyo salatan i Tomundo' Yoyakhin binoamo itampat pinomboan ka' pinompojoongan, aku i Imam Yehezkiel anak i Busi anu jojoong isonibi nu Kaunyo Kebar i daerah Babel hingga-hinggat tiba aha to mia-mian nu Yahudi sangga'at anu pinojoongmo kiijo' mae. Madi' pinin langit tinabukamo ka' aku nontoamo Tumpu Allah. Ihongongku na Tumpu notatae mae hi belengku, ka' ingoa'anku nahosonmo nu kuasa-Nyo.

⁴Aku nonsinda nokiita ka' nontoamo antong anu makansang hondo lengkat mae isasu utara. Gohung anu pino-pinolintupmo lengkat mae aijo' isanggombu na kundom, ka' langit anu nu sangkup nu toa nu matangku najingkamo hondo. I uno nu kilat anu pino-pinojohonjitmo aita' daagi' ko sa'angu' na tinoa jongkilaban susumo tambaga'.

⁵ Itotonga' nu kundom aita' tinoangku aha opat na malaekat susumo manusia,

⁶panyo toto samian opat na ohupnyo ka' ohua' na paan na polipiknyo.

⁷Tengkenyo hodi' ka' mule' jongkilaban susumo tambaga anu saja' ogegesi. Kangkam nu tengkenyo ko konukunyo susumokonuku nu sapi'.

⁸Ka' mule' mau opat na ohupnyo ka'ohua' na paan na polipiknyo aha mule' ahi kolimanyo sumo lima nu manusia i aluk nu polipiknyo toto sa'angu'.

⁹Toto sapaan na polipik nu malaekat haha aijo' de nu boka pusnyo mompaha kabot tiba polipik nu malaekat sangga'at, sahingga opa-opat na malaekat haha aijo' tinjonyo nu aha pasu'nyo simpale opat. De mokohenggomo, aha toto samian mokohenggo hodi-hodi' mompatui mokiita iya na anu nu ahopi nu aha ka' madi' pilenje mombalik butong nu aha.

¹⁰ Toto samian na malaekat haha aijo' ko ohupnyo opat anu madi' pokakana: ohup nu manusia sasu ahopnyo, ohup nu singa sasu koanannyo, ohup nu sapi' sasu kowinyo, ka' ohup nu bonyia' sasu hikunyo.

¹¹Sa'angu' na paan na polipik nu toto samian na malaekat haha aijo' de nu bokamo mokiita' mompahakabotmo pusnyo nu polipik nu malaekat sangga'at anu isohipi'nyo ka' anu sapaan mule' nu kumpu' mongkukubi butongnyo.

¹²Toto samian na malaekat haha aijo' mongahopi sa'a-sa'angu'nyomo na tujuan sahingga aha moko ala ahi' mamba maumo pa' moya na nu tujui nu aha madi' pilenje mombalik butong nu aha.

¹³ Itotonga' nu malaekat haha aijo' daagi' ko anu susumo oba nu apu kabai susumo potong anu noakmo ka' mongkohenggo madi' kokabelentiannyo. Apu aijo' mimbohotika' ka' boyai'nyo timbalimo kilat tiba gohung.

¹⁴Malaekat haha aijo' suele mongkohenggomo mokiijo' ka' mo uuka mae sumo kilat na kolia'nyo.

¹⁵ Hau-haunyo aku mompalahatikan aijo' iwi-iwi', aku nontoamo opat na bola nu loda aijo' itano', toto sa'angu' na malaekat haha aijo' ko bola nu loda sa'angu' una-una' isohipi' nu malaekat haha aijo'.

¹⁶Opa-opat na bola nu loda haha aijo' pokakana, jongkilaban susumo batu permata ka' toto sa'angu' na bola nu loda haha aijo' ko sa'angu' mule' na bola nu loda sangga'at anu nanintobat itotonga'nyo.

¹⁷Sahingga bola nu loda haha aijo' timbali lumajang mompatui opat na tujuan anu nu patui.

¹⁸ Lingkaran nu bola nu loda haha aijo' kaho ko matanyo.

¹⁹Malaekat haha aijo' timbali mamba maumo ahi' pa' moya na nu ka'ima'i nu aha, ka' bola nu loda haha aijo' suele ahi' saja' batu-batuk kalana nu kuasai nu malaekat haha aijo'. De malaekat haha aijo' ko gia'mo pa' mambamo mokiita' ilanga kabai belentimo, bola nu loda haha aijo' suele ahi' saja' batu-batuk hi hi aha.

²² I bawo nu ubak nu malaekat haha aijo' daagi' ko anu nanimbanta susumo anu pinoboloyuk lonsinoan hondo susumo kasa.

²³I aluk nu anu susumo pinoboloyuk aijo', toto sa'angu' na malaekat haha aijo' nombokamo polipiknyo anu toto sapaan aijo' binokanyo nokiijo' hi malaekat anu isohipi'nyo ka' polipiknyo anu sapan mule' na mongkukubi ahi' butongnyo.

²⁴ De aha lumahapmo ku hongomo na polipiknyo mompapa'i; onyi'nyo sumomo ahi' buhok nu ombu'an nu uee anu mabohos hondo ka' mule' sumomo ahi' galupak nu gombuan nu suludadu anu manjoo' hondo, ka' mule' sumomo ahi' potatae nu Tumpu Anu Mahakuasa. De aha madi'mo lumahap nu kumpu'mo nu aha na polipiknyo,

²⁵panyo aita' mae hi anu susumo pinoboloyuk i bawo nu ubak nu aha daagi' ko potatae anu ohongo.

²⁶ Aita' mae i bawo nu anu susumo pinoboloyuk mae, daagi' ko anu pokakana sumo tampat kajojoongan batu nilam na binau ka' aita' suha-suhang daagi' ko anu susumo manusia.

²⁷ Sasu aita' mae ibawonyo otoa joliotan susumo tambaga aijo' itotonga' nu apu anu hau-haunyo moak. Sasu akaong mae i aluknyo majingka hondo,

²⁸ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae