Read Saluan YEHEZKIEL 15 Bible Online

YEHEZKIEL 15 - Saluan bible

YEHEZKIEL 15

¹Tumpu notataemo hi belengku,

²“O, manusia anu madi' tumuu' batu, apaa na kalebehannyo nu kau' anggur de obandingakon tiba kau' sangga'at anu i uno nu alas?

³Pa' timbali na kau'nyo opake bau apa-apaa? Pa' timbali obau pomposambitan da bau pomposambitan pakakas?

⁴Madi' ko gunanyo, ola ahi' obau kau' anu oposun. Ka' de ohu-ohua' na tuu'nyo ningkotmo nopapu ka' mule' anu i pohintonga'anyo suele tinimbalimo buhing tedaagi' ko gunanyo?

⁵Madi'mo daagi' ko gunanyo. Pakalaus ma'isa pe'e opapui madi' ahi' timbali opake pa' bau apaa. Apaa mule' de opoko papuimo ka' nu toyo'imo nu apu!”

⁶Kalana aijo' Tumpu Anu Matangkas na Kuasanyo notataemo, “Susumo kau' anggur anu ingala mae i uno nu alas ka' pinapuanmo, sumo aijo'mo na Aku mombau mian anu jojoong i Yerusalem!

⁷Aku mohukumo aha. Maumo ahi' aha madi' kinaan nu apu, panyo apumo ahi' na monsilakai aha. Sahingga nu sumbu'je nu belemiu taalu' Akumo ahi' na Tumpu.

⁸Aha madi'mo tinulu-tulutan hi beleng-Ku, kalana aijo' tano' aijo' Ku pojadimo tano' anu mateges. Aku Tumpu Anu Matangkas na Kuasanyo notataemo.”