Read Saluan YEHEZKIEL 23 Bible Online

YEHEZKIEL 23 - Saluan bible

YEHEZKIEL 23

¹Tumpu notataemo mae hi belengku, Ia notatae,

²“O, manusia anu madi' tumuu' batu, daagi' ko ua'aha na boune anu moto utus.

³Daagi' aha lalangkoyang aha jinojoong i Mesir. Ikiijo' mae aha madi'mo pinarawan, lantas aha tinimbalimo anu saja' masala'.

⁴Utus tumpe sanggonyo i Ohola; iamo na nolambangakon Samaria. Utusnyo ise' sanggonyo i Oholiba; iamo na nolambangakon Yerusalem. Aku nongosoaimo aha ka' nohumpakmo anak hi aha ua-ua'aha aijo'.

⁵Maumo ahi i Ohola tinimbalimo bengkele'-Ku panyo ia tataap ahi' saja' masala' ka' talalo ahi' saja' majota na labot molayani to sinta-sintanyo anu lengkat mae i Asyur.

⁶Aha aijo' te suludadu anu mibaju' mae pokakana na buhitnyo momea' mingkamumu', to mia-mian tulunan nu mian daka' ka' mule' anu toto tangka-tangkas na pangkat nu aha, iwi-iwi' aijo' suludadu anu toto tangka-tangkas na pangkat nu aha anu monsake'i ajahan ka' mule' to oli-olitau na butong nu aha.

⁷Tibamo aha to mia-mian daka' haha aijo' na i Ohola masala'. Pakalaus mule' kalana ia talalo ahi' majota, ia nohumimi'i mule' ahi' butongnyo nononsombahmo to pilo-pilogot nu aha.

⁸Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

⁹Kalana aijo' Ku bee'mo na ia hi to sinta-sintanyo, aijo'mo aha to mia-mian nu Asyur anu saja' ahi' nu ina-inau'.

¹⁰Ia opakisa na ilanggo'an nu aha lantas pinateanmo nu bajak ka' mule' to ana-anaknyo ingangoan. Iyaya mae na uki'nyo aijo' me saja' bau sisik nu tobou-boune.

¹¹I Oholiba utusnyo ise' nontoamo han anu sumo aijo', panyo ia mule' ahi' na lebe majota sola' masala' nulingkudui na i Ohola.

¹²I Oholiba suele talalo ahi' mongka'ima'i aha to mia-mian nu Asyur haha aijo' aijo'mo to oli-olitau anu olitau hondo na butong nu aha, te to sulu-suludadu anu monsake'i ajahan, to mia-mian daka' ka' mule' anu toto tangka-tangkas na pangkat nu aha, ka' mule' suludadu anu mibaju' mae pokakana na buhitnyo momea' mingkamumu'.

¹³Tinoangku na i Oholiba aijo' memang ahi' palaganta pokakanamo ahi' susumo utusnyo tu'a.

¹⁴Kinopipinnyo nompaka palagantamo mule' na Oholiba. Ia talalo hondo' mongka'ima'i gambalan anu gamba-gamban i pimpi' ka' anu obuhiti nu set anu momea' susumo baso'. Gambalan haha aijo' molambangakon suludadu nu Babel anu toto tangka-tangkas na pangkatnyo koko pombutu'nyo mae toto ima-ima' tiba singgannyo anu ko lawe-lawenyo.

¹⁵

¹⁶Salatan nu toamo i Oholiba na gambalan haha aijo' sinsumbu'mo na jotanyo anu taha-tahahumo, lantas nu pakatumo na sulat bau polaga suludadu nu Babel anu toto tangka-tangkas na pangkatnyo.

¹⁷Sahingga tokamo mae na aha ka' moduhusmo tiba ia. Aha nohumimi'imo ia susumo aijo' sahingga ahennyo mae binubunmo na ia hi aha.

¹⁸Salatan ilapasmo na aijo' madi'mo pinohowininyo hi mian da'isan na ia lewa' masala' ka' mule' pinotoanyomo hi mian da'isan na butongnyo. Aku binubunmo na montoa ia, susumo aku binubunmo ahi' na montoa utusnyo tu'a.

¹⁹Kinopipinnyo lebe saja'mo na masala' madi' ko bedanyo susumo ia daagi' lalangkoyang tempo'nyo ia nasala' kiijo' mae i Mesir.

²⁰Ia talalo ahi' majota hi to momo'ane anu talalomo nu toka nu majota susumo jota nu ajahan. (

²¹O, Oholiba, beleyum daagi' mongka'ima'i mongulit palabuatan nu beleyum daagi' lalangkoyang tempo'nyo mian nu Mesir sola' nompopobiang beleyum.)”

²²Tumpu Anu Matangkas na Kuasanyo notataemo, “O, Oholiba beleyum na osamo hi to sinta-sinta nu beleyum panyo Ku sale'imo na aha da aha motambuha' hi beleyum ka' nu tumbuhimo mae nu aha na beleyum.

²³Ku posihukmo mae ka' Ku-boamo hi beleyum iwi-iwi' na sinta nu beleyum lengkat mae i Babel, Pekod, Soa, Koa, Asyur, tiba aha to mia-mian nu Kaldea. Ku boamo hi beleyum na to oli-olitau anu toto oli-olitau hondo na butong nu aha aijo'mo anu ko pangkatnyo matangkas, to mia-mian daka', anu ko pangkatnyo toto penti-penting tiba suludadu anu toto tangka-tangkas na pangkatnyo monsakei ajahan.

²⁴Aha tokamo mae montumbuhi beleyum lengkat mae isasu utara, suludadu nu aha manjoo' hondo tiba kareta-kareta anu bau pahampate, ka' mule' kareta-kareta anu momboa mantu. Kanta tiba songko anu ko aja' na mongkukubi aha de aha montumbuhimo beleyum. Ku pojohokmo na aha da mombee'imo hukuman hi beleyum susumo koonyo nu atulan nu aha.

²⁵Kalana Aku notambuha'mo hi beleyum, sahingga Ku pojohokmo na aha da pa' nu posiamo nu aha na beleyum. Sung tiba bihing nu beleyum nu sayu'akonmo nu aha ka' mule' to ana-anak nu beleyum nu alamo nu aha ka' opapuimo titu-tituu'.

²⁶Beleyum olanggo'imo ka' iwi-iwi na palahiasan nu beleyum nu agoimo nu aha.

²⁷Sumo aijo' na Aku mompobelenti napisu tala-talalo majota hi mo'ane ka' iwi-iwi' na palabuatan masala' bibinaumo nu beleyum tempo'nyo daagi' kiijo' mae i Mesir. Beleyum madi'mo daagi' taha'iman hi pilogot maumo pa' pilogot anu mosia, kabai tonginau' i Mesir.”

²⁸Tumpu Anu Matangkas na Kuasanyo notatae, “Ku bee'mo na beleyum hi aha to mia-mian anu nompobubunmo nu ka'ideki nu beleyum.

²⁹Kalana aha nongka'idekimo beleyum, sahingga iwi-iwi' na lawe nu beleyum nu agoimo nu aha. Beleyum opala'imo langgo-langgo' madi'mo daagi' ko hude i butong nu beleyum salaku mian anu saja' masala' ka' sola'mo nu toa nu mian da'isan. Napisu taha-tahahu majota hi mo'ane ka' sola' masala' na beleyum

³⁰atina'mo na mompotoka mae uki' ma'i-ma'idek aiya hi beleyum. Beleyum tinimbalimo mian anu saja' masala' hi aha to bansa-bansa ka' nohumimi'imo butong nu beleyum nu pilogot nu aha haha aijo'.

³¹Beleyum nontihomo kalakuan nu utus tu'a nu beleyum, kalana aijo' beleyum Ku hukumo nu hukuman anu pokakana.”

³²Tumpu Anu Matangkas na Kuasanyo notatae, “Isi nu sasangkin nu utus tu'a nu beleyum tionyo ahi' nu onyop nu beleyum. Sasangkin aijo' daka' ka' maleeng. Isinyo kaho' powedu tiba pongkokojoi nu mian anu tionyo ahi' nu tanggung nu bele nu apaa na nu taloakon nu mian.

³³Sasangkin nu utus tu'a nu beleyum i Samaria, isinyo kabuhukan tiba kahansunan. De nu inumo nu beleyum iwi-iwi' na isinyo beleyum malangumo ka' mongoa'imo kasansala'an. Ka' poso'nyo nu sasangkin ai-aijo' na bau ponsiha-sihang nu beleyum saha'an nu beleyum. Aku, Tumpu Anu Matangkas na Kuasanyo notataemo.”

³⁴

³⁵Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

³⁶Tumpu notataemo mae hi belengku, “O, manusia anu madi' tumuu' batu, sinadiamo na beleyum momputusi hukuman i Ohola tiba Oholiba? Tewa' na aha sola-solamo nombau anu okahegati da bolimo lewa' nu bau nu aha.

³⁷Aha sola'mo nasala' ka' mule' sola'mo nompatei, aha nasala'mo tiba to pilo-pilogot ka' nompateimo to ana-anak-Ku anu ihampeakon nu aha. Anak haha aijo' sinombahkonmo nu aha hi to pilo-pilogot nu aha.

³⁸Ka' misa' ola sijo'. Aha suele ahi' nohumimi'imo Laigan-Ku Ka' sinaa nu Sabat anu pinotataap-Kumo aijo'.

³⁹I sinaa pipinompateianmo nu aha to ana-anak-Ku ka' sinombahkonnyomo hi to pilo-pilogot, ua-ua'aha na anu moto utus aijo' tinokamo mae i Laigan-Ku ka' nohumimi'imo!

⁴⁰Ka' mule' aha nompakatumo sulat bau polaga to momo'ane ilipu' anu toto jo'o-jo'on ka' aha mae kiijo' nambamo mae ahi'. Ua-ua'aha na anu moto utus aijo' nindi'mo kalana montalimamo aha anu ilagamo mae, ka' nompakemo cilak na mata ka' mule' nompakemo palahiasan-palahiasan na aha.

⁴¹Lantas aha sinumuhangmo ikamale'an anu ma'ima'an. I ahopnyo kaho kaanon anu pinosadiamo, tiba kamangian ka' lanya' nu zaitun anu binee'-Kumo hi aha.

⁴²Kahongoan isambiha'nyo na potatae, hengge nu mian da'isan anu balasana-sanang ikiijo'. Mian haha aijo' anu ilagamo lengkat mae i padang tampat anu kaho bone'nyo. Aha nompopusokimo galang hi aha ua-ua'aha na anu moto utus haha aijo' ka' nompaha posongko'imo makota' anu toto ima-ima' i ubak nu boune haha aijo'.

⁴³Lantas binapikinmo na Aku, ‘Pa daagi' ahi' mongka'oho' na mian haha aijo' bakusinta tiba aha anu saja' masala' haha aijo' anu nangkalualemo kalana sola'mo nasala'?’

⁴⁴Mobobolosan na to mia-mian toka mae hi Ohola tiba hi Oholiba anu sasaja' masala' ka' pinalagantamo aijo'.

⁴⁵Panyo mian anu singkap palesaya totu-totu'u na momputusimo ahi hukuman nu aha anu moto utus aijo' kalana kasala'an masala' ka lewa'mo nompatei kalana aha memang ahi' sinala'mo.”

⁴⁶Tumpu Anu Matangkas na Kuasanyo notatae, “Lagamo mae na sanggombu na mian da monsakisamo ka' montololangimo ua-ua'aha na anu sasaja' masala' aijo'.

⁴⁷Pahambunu'akonmo na aha nu batu ka' tumbuhimo nu baja'. To ana-anak nu aha pahangkolotakonmo ka' mule' laigan nu a ha singkapmo papui.

⁴⁸Isongko-songko na lipu' Ku tewa'mo na palabuatan pagalanta susumo aijo'. Apaa na anu Ku baumo aiya, timbalimo salaku pokinde' hi to bou-boune da bolimo masala' susumo ua-ua' aha na anu moto utus aijo'.

⁴⁹O, Ohola tiba i Oholiba, Ku hukumo na belemiu, kalana belemiu nasala'mo ka' mule' nonsombahmo pilogot. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.”