Read Saluan YEHEZKIEL 38 Bible Online

YEHEZKIEL 38 - Saluan bible

YEHEZKIEL 38

¹Tumpu notataemo mae hi belengku,

² “O manusia anu madi' tumuu' batu, kutukimo na i Gog, tomundo' anu balakuasa hondo aijo' ilipu' Mesekh tiba Tubal itano' Magog.

³Poto'i hi ia taalu' Aku Tumpu Anu Matangkas na Kuasanyo te sampobali'nyo.

⁴Ku hela'mo na ia nu kakait anu opokonamo ibagangnyo ka' monsabatakonmo mae ia tiba iwi-iwi' na suludadunyo. Manjoo' hondo na suludadunyo anu monsake'i ajahan ka' nompusokmo baju anu pokakana na buhitnyo. Toto samian na suludadunyo nomboa kanta tiba bajak.

⁵I tomundo' sinangaluan nu to sulu-suludadu nu aha Persia, Sudan tiba Libia, toto samian nomboa bajak tiba songko anu ko aja'nyo.

⁶Iwi-iwi' na suludadu nu aha lipu' Gomer tiba Bet-Togarma anu i sasu utara, nambamo hingga-hinggat tiba ia, ka' mule' manjoo' na bansang sangga'at anu nombatukimo ia.

⁷Palentah na ia da mosadia ka' mompalentah iwi-iwi' na suludadu anu nanintuangmo hi ia da balasadiamo montuluti palentahnyo.

⁸Daagi' to pia-piangkuka na taun ia Ku palentahmo da montumbuhimo sa'angu' na lipu' anu ko miannyo jojoong ikiijo' po'u-po'ule'mo sinihuk sinule'akon mae lengkat hi aha bansang-bansang ka' jinojoongmo ilipu' aijo' ka' madi'mo ko anu sola' nompoposia. I Gog mongkuasaimo bungkutnyo iwi-iwi' nu aha Israel anu pininmo hondo na iliing ka' kahomo anu ihansun, panyo uuka aiya jinojoonganmo nu mian da'isan anu tinumuu' na'ima'.

⁹Ia tiba suludadunyo ka' mule' manjoo' na bansang anu nonsangaluimo ia tokamo mae montumbuhi aha susumo antong anu daka' hondo ka' montutupimo songko-songko na lipu' susumo kundom.”

¹⁰Tumpu Anu Matangkas na Kuasanyo notataemo hi Gog, “Toka itempo'nyo aijo' beleyum batanga'mo mombau palabuatan anu ma'idek.

¹¹Beleyum montantukanmo montumbuhi lipu' anu madi' ko bentengnyo aijo', anu miannyo ikiijo' tumuu' madi' koanu mompoposia ka' ma'ima' isinin na kota' anu madi' ko pagannyo mesen ka' mule' anu madi' ko posadiaon bau pahampate.

¹²Beleyum montololangimo ka' mongagoimo sinin na balang nu aha anu jojoong ikota' anu u'utu mae ihansunmo aijo'. Mian anu jojoong ikiijo' pipinosihukmo lengkat mae iyaya na bansang uuka aiya kinohalata'mo manjoo' hondo tiba potuu'on ka' aha jinojoongmo i puso nu dunia.

¹³Mian anu jojoong i Syeba tiba Dedan ka' mule' to pada-padagang isinin na kota' Spanyol mompokilawamo hi belemiu sumo uuka, ‘Pa' beleyum mompalentah suludadu nu beleyum ola da mongagoi ka' montololangi mosoni', salaka, potuu'on, tiba halata' ka' oboamo na aijo' iwi-iwi'?’ ”

¹⁴Mokonyo aijo' Tumpu Anu Matangkas na Kuasanyo nonsaimo mae aku da mompoto'i hi Gog potuunon aiya, “Kakona mian Israel anu palesayamo hi beleng-Ku tinumuu'mo madi'mo ko anu nompoposia ka' na'ima'mo beleyum tokamo mae montumbuhi.

¹⁵Beleyum mamba lengkat mae itampat kajojoongan nu beleyum majo'on sasu mae utara nu sangalui mae nu suludadu anu manjoo' hondo ka' to babaani, iwi-iwi' suludadu anu monsake'i ajahan lengkat mae ingangahan na bansang.

¹⁶Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

¹⁷Te misa' mongkona ahi' beleyum na Aku naipuan mae notataemo pinoto'ing-Ku hi to posa-posaihon-Ku aha to nabi-nabi Israel? Aha nongkila-kilamo apaa na anu jadi imihinyo mae, koonyo nu aha aiya mae i ahop Ku saimo na samian da montumbuhi Israel. Aku, Tumpu Anu Matangkas na Kuasanyo notataemo.”

¹⁸Tumpu Anu Matangkas na Kuasanyo notatae, “Panyo salatan i Gog moko lapasmo na nontumbuhi Israel, Aku mangamu'mo.

¹⁹Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

²⁰Iwi-iwi' na ikan tiba tomonsi', iwi-iwi' na binatang anu daka' tiba anu ise', ka' iwi-iwi' na mian anu aiya i dunia, nu lakatmo nu buhuk na mongahopi Aku. To bungku-bungkutnyo motuha-tuhanmo, to kele-keles mule' motuha-tuhanmo ka' pagan mesen iwi-iwi' mohobo-hobo'mo.

²¹Lantas i Gog Ku potolokengkengmo nu ngangahan nu balaa'. Aku, Tumpu Anu Matangkas na Kuasanyo notataemo. Suludadunyo mompaha pate-pateimo na posi aha nu bajak nu aha.

²²Ia Ku hukumo nu panyakit anu molele ka' mule' baso' na mobubus. Ujan daka' tiba ujan eis, apu tiba belelang Ku bubusakonmo mokaiyong hi ia ka' mule' hi suludadunyo ka' mule' hi aha bansang jonjoo' anu nanintuangmo tiba ia.

²³Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”