Read Saluan DANIEL 4 Bible Online

DANIEL 4 - Saluan bible

DANIEL 4

¹Sumo uuka na anu binebakonmo i Tomundo' Nebukadnezar anu pinakatunyomo hi to mia-mian i iwi-iwi na bansa, tulunan nu bansa, ka' basa' i songko-songko na dunia: “Salamat kopian!

²Aku kahanda' monsisikakon anu okabangangi ka' mule' sa'angu' na kajadian anu ma'isa toho' jinadi anu binaumo nu Tumpu Anu Matangkas na Kuasanyo hi belengku.

³Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

⁴Aku jojoong tumuu' kopian i uno nu laiganku ka' aku tumuu' sanang.

⁵Panyo daagi' kinosampahuan hau-haunyo aku hoyo-hoyot aku nongipimo ka' nontoamo anu mompobata-bata kinyonyoangku.

⁶Lantas ilagangkumo na anu toto pande-pande kiijo' i Babel da montalangkan mae hi belengku alati'nyo nu ipion aijo'.

⁷Panyo salatan anu topo tahi'i, anu ko pangatahuan, to mia-mian anu ko ilimu', ka' mule' anu ko ilimu' monsumbu' mandala', tinokamo mae sinisikumo na ipionku aijo' hi aha, madi' ko samian pe'e na anu noko ala nontalangkan alati'nyo.

⁸Ahennyo tinokamo mae na i Daniel anu osanggohi; Beltsazar susumo sanggo nu pilogot. I Daniel kinuasanmo nu roh nu to pilo-pilogot anu susi'. Sinisikumo na ipionku hi ia, kongku,

⁹“O Beltsazar, polaya' nu to mia-mian anu ko ilimu' ku sumbu' na beleyum kinuasanmo nu roh nu to pilo-pilogot anu susi, sahingga madi' ko lahasia anu opohowini hi beleyum. Potombihing mae na ipionku uuka ka' talangkan mae na alati'nyo.

¹⁰Hau-haunyo aku hoyo-hoyot tinoangku sampu'un na kau' tinumuu' i totonga' nu dunia.

¹¹Kau aijo' matangkas hondo, batangnyo daka' hondo ka' mule' mahoson. Tuu'nyo toka-toka i langit sahingga timbali otoa nu iwi-iwi' mian i dunia aiya.

¹²Honnyo iwi-iwi' molonde' ka' mahampe hondo na bua'nyo, sukup na nu kaan nu mian anu jojoong i dunia aiya. To bina-binatang anu ma'ela' lumukut i patuunyo ka' to tomo-tomonsi' mimpeta ito panga-panga'nyo, ka' iwi-iwi na anu ko nyawanyo timbali mongkaan bua'nyo.

¹³Hau-haunyo aku mompoinau'akon anu tinoa aijo' tinoangku mule' samian na malaekat nintatau'mo mae lengkat i suluga'; sikapnyo otoa susumo anu balajaga-jaga.

¹⁴Ia notataemo daka-daka', ‘Taa'mo na kau' aijo' ka' paha noso'i na to panga-panga'nyo, solui nahonnyo iwi-iwi' ka' sagakon nabua'nyo. Laa' na to bina-binatang anu lumukut i patunyo ka' mule to tomo-tomonsi' anu mimpeta i to panga-panga'nyo.

¹⁵Panyo pojohokmo na tu'nyo kaiyong i uno nu tano'. Osegoti nu lante' besak ka' tambaga, lantas pojohokmo na ia kiijo' i hemputut padang. Pojohok da ia nu humpisi nu dondu'ok ka' tumuu' hingga-hinggat tiba to bina-binatang ka' mule tiba kau' sangga'at.

¹⁶Pojohokmo da pikilan nu manusia mongabali'mo timbali pikilan nu binatang kopinnyo popitu' na taun.

¹⁷Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

¹⁸O, Beltsazar uukamo na ipionku. Uuka aiya soba poto'iakon mae na alati'nyo hi belengku. Madi' ko samian pe'e na anu toto pande-pande aiya i kalaja'anku na anu moko ala mompoto'i mae hi belengku, panyo beleyum timbali moko ala kalana beleyum kinuasanmo nu roh nu to pilo-pilogot anu susi'.”

¹⁹Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

²⁰Kau' anu titinoa nu belento Tuanku matangkas hondo aijo' sahingga tuu'nyo nontoka-tokamo langit ka' timbali otoa nu mian i dunia.

²¹Honnyo iwi-iwi' molonde ka' mahampe hondo na bua'nyo sahingga sukup na nu kaan nu mian iwi-iwi' anu jojoong i dunia aiya. Binatang iwi-iwi' anu ma ela' lumukut i patunyo ka' mule' iwi-iwi' na tomonsi' mimpeta ito panga-panga'nyo.

²²O, Tuanku belentomo Tuanku na kau' anu mata-matangkas ka' anu mahoson aijo'. Katalasanggoan nu belento Tuanku mompaka pintuangmo toka-toka i langit ka' mule' kakuasa'an nu belento Tuanku mompaka ewamo toka-toka i pus nu tano'.

²³Belento Tuanku nontoa samian na malekat nintatau' lengkat mae i suluga' ka' notatae, ‘Taa'mo na kau' aiya ka' hansunimo panyo pojohok na tu'nyo kaiyong i uno nu tano'. Segoti nu lante besak ka' tambaga lantas pojohokmo i hemput padang. Pojohokmo na ia da nuhumpisi nu dondu'ok ka' hingga-hinggat tumuu'mo tiba to bina-binatang kopinnyo popitu' na tahun'.’

²⁴O, Tuanku, sumo uuka na alti'nyo na anu tinoa aijo' ka' sumo uuka na kaputusan nu Tumpu Anu Matangkas na Kuasanyo mongkona belento Tuanku.

²⁵Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

²⁶Malaekat haha aijo' nompalentahmo da tu'o nu kau' aijo' opojohokmo aijo' i uno nu tano'. Aijo' alati'nyo saba' belento Tuanku po ule'mo timbali tomundo' salatan belento Tuanku mongakuimo saba' Tumpu ahi' na mongkuasai songko-songko na dunia aiya.

²⁷Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

²⁸Iwi-iwi' aijo' jadimo i butongku Tomundo' Nebukadnezar.

²⁹Lapas aijo' sinampulu' ka' ohua' na bitu'on na olotnyo tempo'nyo aitu aku kinolalajangmo i ale' nu bunga-bunga anu aita' mae i bawonyo nu laigan nu tomundo' kajo-kajojoonganku i Babel,

³⁰aku notatae, “Soba toa na ko ima'nyo na kota' Babel aiya! Akumo aiya na nombau da tinimbali puso nu kota' nu negara da bau pomponyata kakuasa'anku ka' mule' kahosonanku, katalasanggoan, ka' kahebatanku!”

³¹Aku ma'isa pe'e pinupus na notatae, nohongomo potatae lengkat mae aita' i langit, “O, Tomundo' Nebukadnezar potombihing mae na uuka! Kakuasa'an nu belento salaku tomundo' po ule'mo ingala atina' hi belento.

³²Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

³³Tempo'nyomo ai-aijo' na potatae aijo' kinobukuti'nyomo. Aku, i Nebukadnezar olaa'mo nu aha mian da'isan ka' mongkaanmo hemput susumo sapi'. Butongku nu humpisimo nu dondu'ok, bulu nu ubaku ko mantannyo sumomo bulu nu bonyia', ka' iwi-iwi' na konukungku sumomo konuku nu tomonsi'.

³⁴Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

³⁵Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

³⁶Salatan aku po ule'mo sininsumbu', saba' kahebatan, katalasanggoan nu kalaja'anku, ka' mule' kapuji'an po ule'mo ninsusule' mae hi belengku. Aku ilabotmo nu to paga-pagawengku tiba anu ko pangkatnyo daka' ka' mule' aku po ule'mo nontoongi kalaja'anku ka' mule' katalasanggoanku po ule'mo dinaka' ilingkuduannyomo na anu u'utu mae.

³⁷Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.