Read Saluan HOSEA 2 Bible Online

HOSEA 2 - Saluan bible

HOSEA 2

¹Kalana aitu lagamo na sangalu nu beleyum ka' osanggohi “Mian anu Palesayamo hi Tumpu Allah” ka' “Nukalibosimo nu Tumpu.”

²Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

³De ia tataap masala', Ku ukatakonmo na baju'nyo da ia langgo' susumo ia salaje i hampeakon. Ku pojadije na ia susumo tano' anu kinuunmo, ka' nategesmo, ia natemo nu megot.

⁴Belemiu to ana-anaknyo, madi'mo Ku kalibosi; belemiu ihampe hasin nu nasala'.

⁵Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

⁶Kalana aijo' ku kulungje na ia i uno nu alas anu ko hii'nyo ka' mompagan jalannyo nu pagan mesen.

⁷Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’

⁸Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

⁹Kalana aitu i tempo'nyo nu pompadakan, Aku po'ule'mo mongala anu binee'-Ku, aijo'mo gandum ka' anggur ka' hude wol, hude lenan, anu binee'-Kumo hi ia da bau pakeannyo.

¹⁰Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

¹¹Iwi-iwi' na bau-bauonnyo nu aha Ku tewa'mo, mau bau-bauon anu sataun toka sataun obau, mau bau-bauon anu obau sambitu'on toka sambitu'on, ka' iwi-iwi na, sinaa nu Sabat; pende'nyo iwi-iwi' na bau-bauon nu ka' agama'an.

¹²Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

¹³Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

¹⁴Tumpu notataemo, “Kalana aijo' Aku momboamo ia mamba i padang mateges; ikiijo' mae ia Ku hase'je nu potatae sindua'an.

¹⁵ Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

¹⁶Lantas ia nonsanggoje Aku na langkai'nyo, ka' misa'mo daagi' Baalnyo.

¹⁷Aku madi'mo daagi' mompobee' ia molaga sanggo nu Baal sahingga mian mongkolilimimo sanggo aijo'.

¹⁸Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

¹⁹Israel, beleyum Ku pojadimo bau bengkele'-Ku, bengkele' anu totu-totu'unyomo sampe toka sidu-sidutu'. Beleyum Ku kalibosimo ka' saja'mo Ku ka'ima'i; Aku saja' mombau anu ma'ima' ka' mohongo-hongo.

²⁰Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

²¹Tempo'nyo aijo' de mian-Ku Israel anu palesayamo balado'a Ku potombihingje na aha. Lengkat mae i langit Ku tudunakonmo mae na ujan sahingga tano' mohasinakonmo gandum, anggur ka' lanya' nu zaitun. Lengkat mae i langit Ku tudunakon mo mae na ujan sahingga tano' mohasinakonmo gandum, anggur tiba lanya' nu zaitun.

²³ Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”