Read Saluan YUNUS 3 Bible Online

YUNUS 3 - Saluan bible

YUNUS 3

¹Kinopinduannyomo na Tumpu notatae hi Yunus.

²Ia notatae, “Lako'mo mamba i Ninewe, i kota' anu daka' aijo' ka' potokakon hi miannyo na potuunon-Ku anu Kupoto'i beleyum aiya.”

³Sahingga i Yunus nontulutimo Tumpu lantas nambamo i Ninewe sa'angu' na kota' anu daka' hondo aijo'; tinolunsinaa na nonsongkohi kota' aijo'.

⁴ I Yunus ninsoopmo i kota' aijo' ka' salatan ilumajang sinansinaamo ia nontampu'unimo binalakothab, “Pinoto'inyo daagi patompulu' na sinaa Ninewe hansunmo!”

⁵Mian anu jojoong i Ninewe pinalesayamo i potuunon nu Tumpu aijo'. Songko-songko na mian da'isan nontantukanmo da bapuasa'mo, ka' iwi-iwi' na mian mau anu tu'anyomo mau anu daagi anak nompusokmo hude kalung da bau pomponyata saba aha nanyasanmo i iwi-iwi dosa' nu aha.

⁶Salatan tomundo' nu Ninewe nohongomo lele aijo' ia balomo tinuminjo ingukatnyomo na juba' nu kalaja'annyo ka' nompusokmo hude kalung ka' sinumuhangmo na ia i abu'.

⁷Ia mule' nombebakonmo palentah sumo uuka'; “Palentah aiya lengkat mae i Ninewe, atas kaputusan nu tomundo' tiba to manti-mantili. Ia notatae, iwi-iwi' na mian ka'mule' sapi', domba ka' potuu'on sangga'at otewa' pe'e na mompo'otot ka' mompo'inum.

⁸Mian ka' binatang tionyo ahi' mompake hude kalung. Salaku bau tanda nanyasanmo. Iwi-iwi' na mian tionyo ahi' balado'a totu-totu'u hi Tumpu. Aha tionyo ahi' mombabali'imo kalakuan nu aha anu ma'idek ka' palabuatan nu aha anu kahomo dosa'.

⁹Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

¹⁰Tumpu nontoamo palabuatan nu aha; Ia montoa aha nombabali'imo kalakuan nu aha anu ma'i-ma'idek aijo'. Sahingga Ia nombali'imo kaputusan-Nyo ka' madi'mo sinida na nohukum aha.