Read Saluan NOMBILANGMO 7 Bible Online

NOMBILANGMO 7 - Saluan bible

NOMBILANGMO 7

¹Salatan i Musa nopoko potinjomo Kemah nu Tumpu, Kemah aijo' ka' iwi-iwi' na talakonannyo sinapuannyomo iwi-iwi' nu lanya' anu opake de mombaumo atulan nu agama, ka' binalakatannyo. Sumo aijo'mo suele na pinombaunyo mezbah ka' iwi-iwi' na talakonannyo.

²Lantas to pola-polaya' nu aha Israel, aijo'mo to pola-polaya' nu tulunan nu bansa anu nangakumo mongatun mosia na mombilang,

³nonsombahkonmo hi Tumpu anom na kaleta ka' sampulu' ohua' na sapi': toto ua'aha na polaya' nombee'mo sa'angu' na kaleta, ka' toto samian nombee'mo sa'angu' na sapi'. Noko sombahkon na aha,

⁴Tumpu notataemo hi Musa,

⁵“Alamo na anu pinaha bee'mo nu aha aijo' da mongato Kemah-Ku; bagi-bagi na aijo' iwi-iwi' hi aha mian Lewi ka' obatukakon ahi' i pakalaja'an nu aha.”

⁶Lantas to kale-kaleta ka' sapi' haha aijo' binee'mo i Musa hi aha mian Lewi.

⁷Ohua' na kaleta ka' opat na sapi' binee'nyomo hi aha mian nu Gerson,

⁸opat na kaleta ka' ualu' na sapi' binee'nyomo hi aha mian nu Merari, kalana aijo'mo na pakalaja'an nu aha anu nu atun i Itamar, anak i Imam Harun.

⁹Panyo aha mian nu Kehat madi' nohumpak kaleta kabai sapi' hi Musa, kalana to bala-balang anu susi', ahamo na binee'an pakalaja'an, ka' tionyo ahi' nu lemban nu aha.

¹⁰To pola-polaya' nomboamo palasombahan bau polame'akon salaku atulannyo mombalakati mezbah. Salatan aha noko posadiamo anu oboa nu aha i ahop nu mezbah,

¹¹Tumpu notataemo hi Musa, “Poto'i hi aha tukoong-Ku sansina-sinaa kopinnyo sampulu' ka' ohua' na sinaa, samian na polaya' nu aha aijo' tionyo ahi' monsombahkon kolobannyo salaku atulannyo mombalakati mezbah.”

¹²Toto samian nomboamo palasombahannyo susumo anu ingatunmo aiya: [SINAA] — [TULUNAN NU BANSA] — [POLAYA'] 1 — Yehuda — i Nahason anak i Aminadab 2 — Isakhar — i Netaneel anak i Zuar 3 — Zebulon — i Eliab anak i Helon 4 — Ruben — i Elizur anak i Syedeur 5 — Simeon — i Selumiel anak i Zurisyadai 6 — Gad — i Elyasaf anak i Rehuel 7 — Efraim — i Elisama anak i Amihud 8 — Manasye — i Gamaliel anak i Pedazur 9 — Benyamin — i Abidan anak i Gideoni 10 — Dan — i Ahiezer anak i Amisyadai 11 — Asyer — i Pagiel anak i Okhran 12 — Naftali — i Ahira anak i Enan Palasombahan nu aha toto samian pokakana: sa'angu' na lean bola salaka koboatnyo 1,5 kilogram ka' sa'angu' na mangko' salaka koboatnyo 800 gram, sumo timbangan anu biasa opake i Kemah nu Tumpu. Ohu-ohua' na tampat aijo' o isi buke-buke' nu labu anu ginalo'anmo nu lanya' bau palasombahan anu okaan. Ka' sangga'at mule' sa'angu' na lean bola mosoni' koboatnyo 110 gram (...)

⁸⁴Palasombahan anu binoa mae nu aha sampulu' ka' ohua' na to pola-polaya' aijo'mo na osombahkon mombalakati mezbah aijo' konjoo'nyo: — sampulu' ka' ohua' na lean bolaa salaka, sampulu' ka' ohua' na mangko' salaka, iwi-iwi'mo na koboatnyo 27,6 kilogram — sampulu' ka' ohua' na lean bola mosoni' iwi-iwi' koboatnyo 1,32 kilogram pinobuke'mo nu kamangian. — sampulu' ka' ohua' na sapi' lakinyo, sampulu' ka' ohua' na domba anu umunnyo sataunmo hingga-hinggat tiba koloban anu okaan salaku bau ponsampa'i koloban anu opotunu. — sampulu' ka' ohua' na mee' bau koloban pongampuni dosa', — uampulu' ka' opat na sapi' lakinyo, anompulu' na domba lakinyo, anompulu' na mee' ka' anompulu' na anak nu domba anu umunnyo sataunmo bau koloban pompodame.

⁸⁹De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.