Read Saluan HABAKUK 3 Bible Online

HABAKUK 3 - Saluan bible

HABAKUK 3

¹Aiyamo na do'a i Nabi Habakuk.

²O Tumpu i hongongkumo na anu biaumo nu Belento. Sahingga kapandean bapikin ingoa'anku nanjoo'mo i uno nu kinyonyoangku. De timbali da palabuatan anu Daka' aijo' o'ulit pe'e nu belento ka' oponyata' mae nu belento hi kami tempo' uuka aiya. Tionyo ahi' kami aiya okalibosi mae nu Belento maumo ahi' Belento napanasmo na kinyonyoa.

³Belento Tumpu Anu talalo ahi' susi' lengkat mae i Teman Belento lengkat mae i bungkutnyo nu Paran. Langit sinongkohanmo nu katalasanggoan nu Belento; dunia nobuke'mo nu anu bau pompuji' Belento.

⁴Belento tinoka mae nompake sahaya anu lonsinuan hondo; lengkat mae ilima nu Belento nosabatmo mae na jingka anu jongkilaban hondo, ikiijo'mo na pinomposulukan nu Belento kakuasa'an nu Belento.

⁵Pinalentahmo nu Belento na panyakit mamba momona lantas nu tuntunije nu Belento, ka' kasilakan mombatuki aitu mae imihi nu Belento.

⁶De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

⁷Tinoangku na mian da'isan nu aha Kusyan tinokanmo nu buhuk, ka' aha mian nu Midian ilakatnyomo.

⁸O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.

⁹Pompana' nu Belento pinosadiamo nu Belento, hihisnyo nu pana' nu Beleyum memompana'akon. Lantas dunia biniha'mo nu Belento, tinimbalimo na kaunyo-kaunyo.

¹⁰To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

¹¹Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

¹²Notambuha'mo na Belento sinongko-songko na dunia, pinahampeja'akonmo nubelento na to bansa-bansa kalana kapanasan nu kinyonyoa nu Belento.

¹³Belento najumo na ilumajang kahanda' da mompobebasmo mian nu Belento anu pinalesayamo. Ka' mule' da momposalamatmo tomundo' anu pinile'anmo nu Belento. Sinanti-santipmo nu Belento ka' tinombahangkangmo na to pola-polaya' nu mian anu palaganta. Ginalisanmo nu belento iwi-iwi' na anu monsangaja'i ia.

¹⁴Hihis nu pana' nu Belento nolampasmo to pola-polaya' nu suludadu nu sampo bali', tempo'nyo suludadu nu aha tinoka mae anu sumomo tombusisi' na kohosonnyo. Da kami nu ga'a-ga'atakonmo.

¹⁵Ajahan nu Belento binaumo pinompahampeja'akon ambai anu ewa hondo ka' ndalangon anu kinampute'anmo na buha'nyo.

¹⁶Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

¹⁷Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

¹⁸aku ola ahi' saja' lame' kalana Belento Tumpu na anu momposalamat aku.

¹⁹ Belento na nombee'i aku kahosonan, sumomo tengke nu jonga, tengkengku pinohosonakonmo nu Belento. Belento nontaka'mo aku da madi' ko anu mompoposia. Tempo'nyo aku ilumajang aita' ibungkutnyo. 9