Read Saluan MALEAKHI 4 Bible Online

MALEAKHI 4 - Saluan bible

MALEAKHI 4

¹Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

²Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

³Kona isinaa aijo' Aku momputusimo, ka' mule' belemiu mompatundu'mo to mia-mian anu ma'idek na palabuatannyo, sahingga aha sumomo abu' anu opahampeja'akonmo nu belemiu.

⁴O'intomakon na pangajalan-Ku iwi-iwi' anu pinoto'imo i Musa, o'intomakon na atulan iwi-iwi' ka' mule' palentah iwi-iwi' anu binee'-Kumo hi ia kiita' mae i Bungkutnyo nu Sinai da otuluti nu aha mian Israel iwi-iwi'.

⁵ Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

⁶Nu pojadije na to tutuuma ka' mule' to ana-anak da kinyonyoa mosa'angu', da Aku madi' mohansuni lipu' nu belemiu.” 1