Read Samba Leko Kedké Yohana Núù bìá 13 Bible Online

Kedké Yohana Núù bìá 13 - Samba Leko bible

Kedké Yohana Núù bìá 13

¹Bít mə́ bé'à gɔ̀g fɔ̀gúbə̀ nə́ŋ̀ vúgà nwuu gbà'á rú, kə̀ gà' bəd naà kób, bít kə̀ yílə naà nə́ŋsínà. Gà' bəraa kób də, *mə̀lə̀ bəd bə wərà, bít nə́gə́l vaksə́ bəd Vɛnɛ́b yílú, yílə gə́ kóólé ba.

²Bít gɔ̀g fɔ̀gúbə̀ aarə, tə́ kìínmbə̀ gəə kíin, bít dun oò bəd kɔ̀, tə́ kìínmbə̀ gɔ̀g aa bə̀ dɛ̀d ours rə bə̀ kíin. Bít gú' oò kɔ̀, kìínmbə̀ gbàál nyìg bə̀ kíin. Inzaan piiùwà kpɛŋsɛ́l oòra, kə̀ gààd mə̀ə̀d oòra, bít kə̀ kpɛŋsɛ́l gbà'á gààd bə̀ ləə̀nná.

³Bít gɔ̀g fɔ̀gúbə̀ aarə, yílə oò bəd də, nə́ŋ̀ gə́, kìínmbə̀ bə̀ wééù nyɛ́d zɔ̀gɔ̀ní vadǹmbə̀ kíin; zá núgə́l oòrə, yaà ú' yàá. Bít in aarə, kò' nɛ́b bəraa yɛ́b bərə kóólé yíl yàá, bít bə̀ bàg gɔ̀g fɔ̀gúbə̀ rə bòórú.

⁴Boò kóólé, bə̀ káŋ inzaan kúnú. Kàandə, pii gɔ̀g fɔ̀gúbə̀ kpɛŋsɛ́l gààd bə̀ ləə̀n yàá, bít bə̀ káŋ gɔ̀g fɔ̀gúbə̀ gə́, bə̀ bàà: «Nɛ́ŋə̀ nə́ŋ̀ tə́ bée kə̀ gɔ̀g fɔ̀gúbə̀ kíniì? Nɛ́ɛ̀réè dá sə̀n bùm nə́'ǹ kə̀ oò gú?»

⁵Bít bə̀ piià gɔ̀g fɔ̀gúbə̀ rə gú', nwɔŋ yíl pa'ké bə̀ gáàmá, bít nwɔŋ vaksə́ gáàmbə̀ Vɛnɛ́b yílú; bít bɔ̀bà kpɛŋsɛ́l gààd bə̀ ləə̀n sòò laa iira zè iirə bìá.

⁶Kèd gú' oòra, bɔ̀b nwɔŋ vaksə́ bəd gáàmbə̀ Vɛnɛ́b yílú, Vɛnɛ́b nə́gə́l yílú, *Vɛnɛ́b dìí yílú, bít nɛ́b bəraa kùm *Vɛnɛ́b yiìl, lɛgə́ paà rə kóólé yílú.

⁷Bít bə̀ piiùwà kpaŋ̀, bùm yaàn nə́'ǹmbə̀ kə̀ Vɛnɛ́b nɛ́b gìdń bərá, bídǹ kaànmbə̀ boò bìá. Bít bɔ̀bà kpɛŋsɛ́l nɛ́b kun bəd gə́ kóólé yílú, nɛ́b bəd kóólé yílú, mɛ́ɛ́l nwɔŋ luùm gɔ̀ŋ gɔ̀ŋ bəd yílú, bít yɛ́b kə̀ zɔ̀ŋtə́ kóólé yílú.

⁸Bít nɛ́b aa zɔ̀ŋə yɛ́b bərə gə́ kóólé, bə̀ dáù kíìn káŋàá. Taà kùmsə̀n baànmbə̀, nɛ́b bəraa bə̀ bád nə́gə́l boò núúboòd gɔ̀ŋsə́ bə̀ rú sé, sɛŋ aa yɛ́b sɔ̀d dú roó. Núúboòraa rə, Bɛ̀rə̀wà aa bə̀ lò'ù rə bìá.

⁹«Ìì kìì kíìn sɔ̀ɔ̀nkè, íí tə́ kə̀ túŋ naà nwɔŋ bə̀ kiìn gə́ roó.

¹⁰Nɛ́ŋə̀ aa dá kuùm tə́ nɛ́d wúltígə́lə́ bə̀ rə, kò' bə̀ dáù páàn wúltígə́l bə̀ rú. Nɛ́ŋə̀ aa val dáù ko'ǹ tə́ kə̀ yɛ́rə̀ bùúd də, val dáù ko'ǹ kə̀ yɛ́rə̀ bùúrá. Kə̀ taàbìá, Vɛnɛ́b nɛ́b gìdń bəd boò ì' tɛ́m sidkéá, kə̀ tɛ́mbagkéá.»

¹¹Bít mə́ bé'à gɔ̀g fɔ̀gə́bə̀ nə́ŋ̀ ɔ̀d tóò vúgǹnà yɛ́b dùú. Kə̀ gà' naà iira, kìínmbə̀ bɛ̀rə̀ váàn gà' kíin, bít gám nwɔŋ kìínmbə̀ inzaan kíin.

¹²Bít kpɛŋsɛ́l aa ì' gɔ̀g fɔ̀gə́bə̀ éèn də̀gə̀ də̀gə̀ bə̀ númú rə, də́ŋ kə̀ kpɛŋsɛ́l gààd bə̀ ləə̀n aa gɔ̀g fɔ̀gə́bə̀ éèn də̀gə̀ də̀gə̀ bə̀ mà' rə nə́ŋ̀ní. Bít pè' yɛ́b kə̀ nɛ́b oò bəd tá, kə̀ in bəd tə́ kóólé, boò káŋ gɔ̀g fɔ̀gə́bə̀ éèn də̀gə̀ də̀gə̀ bə̀ aa bə̀ wééù, nyɛ́d zɔ̀gɔ̀ní vadǹmbìá, bít núgə́l oò ú' roó.

¹³Bít mà' inkɔrə gbàád bərá, náŋ sí'à laa lɛgə́ poú, nɛ́b zùúm bəd númú.

¹⁴Bít záá lɛ́l nɛ́b aa zɔ̀ŋə yɛ́b bərə, kə̀ inkɔrə bəraa bə̀ piiù, tə́ ma'ǹ gɔ̀g fɔ̀gúbə̀ aa núùrú roó. Bàà nɛ́b bəd, boò kùd gɔ̀g fɔ̀gúbə̀ nyìsàá, bɔbm̀ káŋ̀mbə̀ oò bə̀, kìínmbə̀ gɔ̀g fɔ̀gúbə̀ aa bə̀ wééù kə̀ yɛ́rə̀ bùúrá, bít vàd síndə kíìn.

¹⁵Bít gɔ̀g fɔ̀gúbə̀ iirúb də, bɔ̀b kpɛŋsɛ́l gɔ̀g fɔ̀gúbə̀ éèn də̀gə̀ də̀gə̀ bə̀ nyìsə̀ gɔ̀ŋsə́ piìnmbìá, bɔ̀b oò gám kə̀ nwɔŋá, bít oò lòd nɛ́b aa bə̀ məə nyìsə̀ oò káŋ̀mbə̀ roó.

¹⁶Bít gɔ̀g fɔ̀gúbə̀ pè' nɛ́b bəd kóólé, yɛb bɛ̀ŋ́sə̀ kə̀ nɛ́b gbàád tá, nɛ́b yàám bə̀ bəd kə̀ nɛ́b búúd bə̀ bəd tá, nɛ́b aa kɔ̀' síndə kə̀ kɔ̀' bəd tá, boò sèd bə̀ bírə́ nɛɛ̀n váànú, sínkɔ̀ gbə̀sú.

¹⁷Bít màn aa kə̀ bírə́ naà síndə, bɔ̀b kpaŋ̀ in bə̀ lɛ́bm̀, sínkɔ̀ in bə̀ gə́ə̀l gá. Bírə́ aarə, kùmsə̀n ingalə̀ fɔ̀g dùù bə̀ rə nə́gə́lá, sínkɔ̀ lámbà oòra.

¹⁸Zɔ̀ŋ aa bə gə́, nɛ́ŋə̀ oò kùm kə̀ ingabké naú. Màn aa tə́ kə̀ ingabké naà rə, ìì dàà tìb oò bɔ̀b kúnú. Kàandə, aarə nɛ́ŋə̀ lámbà. Lámbà oòrə, tə́ laa núnà zɔ̀ŋ nɔ̀ŋgɔ̀s kə̀ laa toora zè nɔ̀ŋgɔ̀s.