Read Samoan Old Version Bible – O LE TUSI PAIA I. NOFOAIGA A TUPU, 19 Bible Online

I. NOFOAIGA A TUPU, 19 - Samoan Old Version Bible – O LE TUSI PAIA bible

I. NOFOAIGA A TUPU, 19

¹Ua mavae ia mea, ona oti ai lea o Naasa le tupu o le fanauga a Amoni; ona soloai ane ai lea o lona atalii e fai ma tupu.

²Ona faapea ane ai lea o Tavita, Ou te agalelei atu ia Anuni, le atalii o Naasa, auā na agalelei mai lona tamā ia te au. Ona auina atu ai lea e Tavita o le sāvali e faamatalaloto ia te ia ona o lona tamā. Ua oo atu auauna a Tavita i le nuu o le fanauga a Amoni ia Anuni e faamatalaloto ia te ia.

³A ua fai atu alii o le fanauga a Amoni ia Anuni, Fa te oe ea, ua ava mai Tavita i lou tamā, ina ua aauina mai nisi e faamatalaloto ia te oe? Ua le o mai ea ana auauna ia te oe e iloilo, ma faaumatia, ma agaga i le nuu?

⁴Ona pupue ai lea o Anuni i auauna a Tavita, ua ia tafi a latou ‘ava, ma na sesele ese o latou ofu i totonu, e pau atu i o latou nofoaga; ona aau ese atu lea e ia ia te i latou.

⁵Ua o atu nisi ma ta‘u atu ia Tavita o mea na faia i na tagata. Ona aauina atu ai lea e ia nisi e faafetaiai ia te i latou, auā ua matuā tele le mā o ia tagata. Ua fai atu foi le tupu, Ia outou nonofo i Ieriko seia tutupu a outou ‘ava, ona outou foi mai ai lea.

⁶Ua iloa e le fanauga a Amoni ua inosia i latou e Tavita, ona avatua ai lea e Anuni a le fanauga a Amoni o taleni ario e tasi le afe e faaoloatauaina mo i latou o kariota ma ‘au e tietie i solofanua mai Mesopotamia, ma Suriamaaka, ma Sopa.

⁷Ua latou faaoloatauaina mo i latou o kariota e tolu sefulu o afe ma afe e lua, ma le tupu o Maaka ma ona tagata, na latou o mai ma to lauapi i luma o Metepa. Ua faapotopoto mai foi le fanauga a Amoni nai o latou aai, ua o mai e tau ai le taua.

⁸Ua faalogo i ai Tavita, ona aauina atu ai lea o Ioapo ma ‘au uma o e fitafita.

⁹Ua o atu le fanauga a Amoni, ua tofi le taua i le faitotoa o le aai; a o tupu na o mai, ua nonofo ese i latou i le vao.

¹⁰Ua iloa e Ioapo ua faasaga mai le taua ia te ia i luma ma tua, ona filifili lea e ia nisi i taulelea uma o Isaraelu, ua ia tofia foi i latou ia faafesagai ma Suria.

¹¹A o e na totoe o le nuu, na ia tuuina atu i le pule a Apisai lona uso, ma ua latou faasaga tau i le fanauga a Amoni.

¹²Ona fai atu ai lea o ia, Afai e malo mai Suria ia te au, ona e fesoasoani mai ai lea ia te au; a e afai e malo mai le fanauga a Amoni ia te oe, ona ou fesoasoani atu ai lea ia te oe.

¹³Ia e faamalosi, ma ia faamalolosi i tatou ona o lo tatou nuu, ma aai a lo tatou Atua; a ia faia e Ieova le mea e finagalo i ai o ia.

¹⁴Ona faalatalata atu lea o Ioapo ma tagata sa ia te ia ia Suria, e tau ai le taua; ona latou sosola atu ai lea i ona luma.

¹⁵Ua vaavaai atu le fanauga a Amoni ua sosola Suria, ona latou sosola foi lea i luma o Apisai lona uso, ma o atu i le aai. Ona alu ai lea o Ioapo i Ierusalema.

¹⁶Ua iloa e Suria ua fāsia i latou e Isaraelu, ona latou tuu sāvali ai lea, ona latou faalaei‘au mai lea o Suria sa i tala atu o le vaitafe; o Sopaka foi o le na pule i ‘au a Atatesa ua muamua ia te i latou.

¹⁷Ua ta‘ua mai ia Tavita; ona faapotopotoina lea e ia o Isaraelu uma, ua ia sopoia atu Ioritana, ma ua oo atu ia te i latou, ua ia tofi foi le taua ia te i latou. Ua tofi e Tavita le taua e faasaga atu ia Suria, ona latou tau ai lea ma ia.

¹⁸A ua sosola Suria i luma o Isaraelu, ua fāsia e Tavita o Suria e fitu afe o tagata na tau i kariota, ma ‘au e savavali e fa sefulu o afe; ua fasiotia foi Sopaka o le na pule i ‘au.

¹⁹Ua iloa e auauna a Atatesa ua fāsia i latou i luma o Isaraelu, ona latou faalelei ai lea ia Tavita, ma latou nofo pologa ia te ia; ona le toe mafai ai lea e Suria ona fesoasoani i le fanauga a Amoni.