Read Samoan Old Version Bible – O LE TUSI PAIA I. NOFOAIGA A TUPU, 24 Bible Online

I. NOFOAIGA A TUPU, 24 - Samoan Old Version Bible – O LE TUSI PAIA bible

I. NOFOAIGA A TUPU, 24

¹O vasega nei o le fanauga a Arona. O atalii o Arona; o Natapu, ma Aviu, o Eleasaro, ma Itamaro.

²Ua oti Natapu ma Aviu, a o ola lo la tamā, e leai ni a la fanau; ona fai ai lea o le faiva o faitaulaga e Eleasaro ma Itamaro.

³Ua tofia e Tavita o Satoka nai le fanauga a Eleasaro, ma Aimeleka nai le fanauga a Itamaro, e tusa ma lo laua tofiga i la laua galuega.

⁴Ua sili le toatele o matai sili na maua i le fanauga a Eleasaro i le fanauga a Itamaro; o latou vasega ia. Ua toasefulu ma le toaono o matai sili o le fanauga a Eleasaro i aiga o latou tamā, a e toavalu o le fanauga a Itamaro i aiga o latou tamā.

⁵Ua tofia i latou i le vili, o lea vasega ma lea vasega; aua o e na pule i le malumalu, ma e na pule i mea a le Atua, nai le fanauga a Eleasaro ma le fanauga a Itamaro i latou.

⁶O Semaia le atalii o Natanielu o le tusiupu, o lo sa Levī, na ia tusia i latou i luma o le tupu, ma alii, ma Satoka le faitaulaga, ma Aimeleka le atalii o Aviata, ma matai sili o le au faitaulaga ma sa Levī; ua aumaia aiga o tamā o le tasi mo Eleasaro, ua aumaia foi le tasi mo Itamaro.

⁷O le vili muamua na faasaga ia Ioaripa, o lona lua ia Ietaia,

⁸o lona tolu ia Harima, o lona fa ia Seorima,

⁹o lona lima ia Malekia, o lona ono ia Meamina,

¹⁰o lona fitu ia Hakosa, o lona valu ia Avia,

¹¹o lona iva ia Iesua, o lona sefulu ia Sekania,

¹²o lona sefulu ma le tasi ia Eliasipa, o lona sefulu ma le lua ia Iakima,

¹³o lona sefulu ma le tolu ia Hupa, o lona sefulu ma le fa ia Iesepeapo,

¹⁴o lona sefulu ma le lima ia Pileka, ma lona sefulu ma le ono ia Imere,

¹⁵o lona sefulu ma le fitu ia Hesera, o lona sefulu ma le valu ia Hafesesa,

¹⁶o lona sefulu ma le iva ia Petakia, o lona lua sefulu ia Esekielu,

¹⁷o lona lua sefulu ma le tasi ia Iakinu, o lona lua sefulu ma le lua ia Kamula,

¹⁸o lona lua sefulu ma le tolu ia Tilaia, o lona lua sefulu ma le fa ia Maasia.

¹⁹O latou tofiga ia i a latou galuega e o atu i le fale o Ieova, e tusa i lo latou masani mai ia Arona lo latou tamā, e pei ona poloaiina o ia e Ieova le Atua o Isaraelu.

²⁰O i latou nei o e ua totoe o le fanauga a Levi; o le atalii o Amaramo, o Sepuelu; o le atalii o Sepuelu, o Ietaia.

²¹O Reapea; o atalii foi o Reapea, o le muamua o Isea.

²²O lo sa Isarā; o Salome; o le atalii o Salome o Iata.

²³O atalii o Heperona, o Ieria le muamua, o Amaria le toalua, o Iaaseelu le toatolu, o Ikamamo le toafa.

²⁴O le atalii o Usialu, o Mika; o le atalii o Mika, o Samira.

²⁵O le uso o Mika, o Isea; o le atalii o Isea, o Sakaria.

²⁶O atalii o Merari, o Maali ma Musi; o le atalii o Iaasia, o Peno.

²⁷O atalii o Merari ia Iaasia, o Peno, ma Soama, ma Sakuro, ma Iperi.

²⁸O Maali, o lona atalii Eleasaro, ua leai ni ona atalii.

²⁹O Kiso; o le atalii o Kiso, o Ieramaelu.

³⁰A o atalii o Musi, o Maali, ma Eteru, ma Ieremota. O le fanauga ia a sa Levī, e tusa ma le aiga o latou tamā.

³¹Ua latou faia foi le vili, pei o latou uso o le fanauga a Arona i luma o le tupu o Tavita, ma Satoka, ma Aimeleka, ma matai sili o le au faitaulaga ma sa Levī, o matai sili atoa ma o latou uso e iti.