Read Samoan Old Version Bible – O LE TUSI PAIA I. NOFOAIGA A TUPU, 25 Bible Online

I. NOFOAIGA A TUPU, 25 - Samoan Old Version Bible – O LE TUSI PAIA bible

I. NOFOAIGA A TUPU, 25

¹O Tavita ma alii o ‘au ua vavaeeseina mo le galuega i atalii o Asafo, ma Hemana, ma Iutana, e perofeta i kitara, ma napeli, ma sumepalo; o le faitau foi lenei o i latou o tagata fai galuega e tusa ma a latou galuega;

²o atalii o Asafo, o Sakuro, ma Iosefa, ma Netania, ma Asarelu, o atalii o Asafo e pule ai Asafo, o le na perofeta ane e tusa ma le poloaiga a le tupu.

³O Iutana; o atalii o Iutana, o Ketalaia, ma Seri, ma Isaia, o Hasapea, ma Matitia, e toaono, e pule ai lo latou tamā o Iutana, o le na perofeta i kitara e faafetai ma vivii atu ia Ieova.

⁴O Hemana; o atalii o Hemana, o Pukia, o Matania, o Usialu, o Sepuelu, ma Ieremota, o Hanania, o Hanani, o Eliata, o Kitaleti, ma Romameti-esera, o Isepekasa, o Maloti, o Otira, o Maasiota;

⁵o i latou uma ia o atalii o Hemana, o le tagata vaai a le tupu i mea a le Atua, e faamaualugaina le nifo. Ua foai mai foi e le Atua ia Hemana o atalii e toasefulu ma le toafa, ma afafine e toatolu.

⁶O i latou uma ia na pule ai lo latou tamā i pesega i le fale o Ieova i sumepalo, ma napeli, ma kitara, mo le galuega i le fale o le Atua, e pei o le poloaiga a le tupu ia Asafo, ma Iutana, ma Hemana.

⁷O le faitau aofai o i latou, atoa ma o latou uso o e na a‘oa‘oina i pesega ia Ieova, o i latou uma e na popoto, e lua selau ma le valu o sefulu ma le toavalu.

⁸Ua latou fai ai le vili i o latou tausiga, o e iti e tusa ma e matutua, o le a‘oa‘o ma le ua a‘oa‘oina.

⁹Ua faasaga le vili muamua a Asafo ia Iosefa; o lona lua ia Ketalia, o ia, ma ona uso, ma ona atalii, e toasefulu ma le toalua;

¹⁰o lona tolu ia Sakuro, o ia, ma ona atalii, ma ona uso, e toasefulu ma le toalua;

¹¹o lona fa ia Iesaru, o ia, ma ona atalii, ma ona uso, e toasefulu ma le toalua;

¹²o lona lima ia Netania, o ia, ma ona atalii, ma ona uso, e toasefulu ma le toalua;

¹³o lona ono ia Pukia, o ia, ma ona atalii, ma ona uso, e toasefulu ma le toalua;

¹⁴o lona fitu ia Isaraelu, o ia, ma ona atalii, ma ona uso, e toasefulu ma le toalua;

¹⁵o lona valu ia Isaia, o ia, ma ona atalii, ma ona uso, e toasefulu ma le toalua;

¹⁶o lona iva ia Matania, o ia, ma ona atalii, ma ona uso, e toasefulu ma le toalua;

¹⁷o lona sefulu ia Semi, o ia, ma ona atalii, ma ona uso, e toasefulu ma le toalua;

¹⁸o lona sefulu ma le tasi ia Asareelu, o ia, ma ona atalii, ma ona uso, e toasefulu ma le toalua;

¹⁹o lona sefulu ma le lua ia Hasapea, o ia, ma ona atalii, ma ona uso, e toaseefulu ma le toalua;

²⁰o lona sefulu ma le tolu ia Sopaelu, o ia, ma ona atalii, ma ona uso, e toasefulu ma le toalua;

²¹O lona sefulu ma le fa ia Matitia, o ia, ma ona atalii, ma ona uso, e toasefulu ma le toalua;

²²o lona sefulu ma le lima ia Ieremota, o ia, ma ona atalii, ma ona uso, e toasefulu ma le toalua;

²³o lona sefulu ma le ono ia Hanania, o ia, ma ona atalii, ma ona uso, e toasefulu ma le toalua;

²⁴o lona sefulu ma le fitu ia Isepekasa, o ia, ma ona atalii, ma ona uso, e toasefulu ma le toalua;

²⁵o lona sefulu ma le valu ia Hanani, o ia, ma ona atalii, ma ona uso, e toasefulu ma le toalua;

²⁶o lona sefulu ma le iva ia Maloti, o ia, ma ona atalii, ma ona uso, e toasefulu ma le toalua;

²⁷o lona lua sefulu ia Eliata, o ia, ma ona atalii, ma ona uso, e toasefulu ma le toalua;

²⁸o lona lua sefulu ma le tasi ia Otira, o ia, ma ona atalii, ma ona uso, e toasefulu ma le toalua;

²⁹o lona lua sefulu ma le lua ia Kitaleti, o ia, ma ona atalii, ma ona uso, e toasefulu ma le toalua;

³⁰o lona lua sefulu ma le tolu ia Maasiota, o ia, ma ona atalii, ma ona uso, e toasefulu ma le toalua;

³¹o lona lua sefulu ma le fa ia Romameti-esera, o ia, ma ona atalii, ma ona uso, e toasefulu ma le toalua.