Read Samoan Old Version Bible – O LE TUSI PAIA I. NOFOAIGA A TUPU, 4 Bible Online

I. NOFOAIGA A TUPU, 4 - Samoan Old Version Bible – O LE TUSI PAIA bible

I. NOFOAIGA A TUPU, 4

¹O Atalii o Iuta; o Faresa, o Esarona, ma Karame, ma Huro, ma Sovala.

²Na fanaua e Reaia le atalii o Sovala o Iata; na fanaua e Iata, o Aumi, ma Laata, o aiga ia o sa Soraā.

³O i latou nei mai le tamā o Etama; o Isereelu, ma Isema, ma Itapasa; o le igoa foi o lo latou tuafafine o Aseleponi;

⁴o Penueli foi le tamā o Kitori, ma Esera le tamā o Usa. O atalii ia o Huro, o le ulumatua a Efarata le tamā o Peteleema.

⁵O Asura foi o le tamā o Tikoa e toalua ana avā, o Helea, ma Naara.

⁶Na fanaua mai ia te ia e Naara o Akusama, ma Eferu, ma Timani, ma Akasetari; o fanau ia a Naara.

⁷O fanau a Helea, o Sereta, ma Soaro, ma Etenano.

⁸Na fanaua e Kosa o Anupa, ma Sopepa, ma aiga o Akaraila le atalii o Haruma.

⁹Ua sili le mamalu o Iapese i ona uso; na faaigoa foi lona tinā ia te ia o Iapesa, ua faapea, Ua ou fanaua o ia ma le tiga.

¹⁰Ua valaau atu Iapesa i le Atua o Isaraelu, ua faapea atu, E, fia manuia a‘u ia te oe ma faalauteleina lo‘u laueleele, ia ia te au foi lou aao, ma ia e leoleo mai ia te au ai le leaga, ina ne‘i tigaina a‘u. Na avatu e le Atua ia te ia le mea na ia faatoga atu ai.

¹¹Na fanaua e Kalupo le uso o Sua o Mekira, o le tamā ia o Esetono.

¹²Na fanaua e Esetono o Peterafa, ma Pasea, ma Tikina le tamā o Irenaasa. O tagata na o Reka.

¹³O atalii o Kinasa; o Otinielu ma Seraia; o le atalii o Otinielu o Hatata.

¹⁴Na fanaua foi e Meonotai o Ofira; na fanaua e Seraia o Ioapo, o le tupuga ia o tagata o le vanu o tufuga; auā o tufuga i latou.

¹⁵O atalii o Kalepo le atalii o Iefune; o Iru, o Ala, ma Naama; o le atalii foi o Ala o Kinasa lava.

¹⁶O atalii o Ialeelu o Sifi, ma Sifa, o Tiria, ma Asareelu.

¹⁷O atalii foi o Esera, o Ietero, ma Mereta, ma Efara, ma Ialona. Na fanau mai e ia o Miriama, ma Samai, ma Isapeka le tamā o Esetemoa.

¹⁸A o lana avā le fafine sa Iutā na ia fanau mai Iereto, le tamā o Kitori, ma Kaveru le tamā o Suka, ma Iekutielu le tamā o Sanoa. O fanau ia a Pita le afafine o Farao, na fai ava ai Mereta.

¹⁹O tama tane a lana avā a Hotia le tuafafine o Naama, o le tamā o Kaila o le Karami, ma Esetemoa o le Maaka.

²⁰O atalii o Simona; o Amanono, ma Rina, ma Penikanana, ma Tilona. O atalii foi o Isai; o Soketa, ma Penisoketa.

²¹O atalii o Sila le atalii o Iuta; o Eru le tamā o Leka, ma Laata le tamā o Maresa, ma tagata o le aiga o e fai ie vavae i le aiga o Asepa.

²²O Iokima foi, ma tagata o Koseva, ma Ioasa, ma Sarafa, o e na pule i Moapi, ma Iasuvileema. O mea anamua lava ia.

²³O e fai ipu omea ia, ma i latou o e nonofo i fanua ua faatoaina, ma mea ua lotoāina. Ua nonofo ai i latou ma le tupu e fai ai lana galuega.

²⁴O atalii o Simeona, o Nemuelu, ma Iaminu, o Iaripa, o Sera, o Saulo.

²⁵O lona atalii o Saluma, o lona atalii o Mepesama, o lona atalii o Mesema.

²⁶O le atalii o Mesema; o Hamuelu lona atalii, o Sakuro lona atalii, o Semi lona atalii.

²⁷O atalii o Semi ua toasefulu ma le toaono, ma ona afafine ua toaono; a ua le faatoatele o fanau a ona uso, ua le faatoateleina o latou aiga uma, faapei o fanau a Iuta.

²⁸Ua mau i latou i Peresepa, ma Molata, ma Asarasuala,

²⁹ma Pala, ma Asema, ma Tolita,

³⁰ma Petueli, ma Horema, ma Sekeleka,

³¹ma Petemakapa, ma Asara-susa, ma Petepirei, ma Saarai. O a latou aai ia e oo i le nofoaiga a Tavita.

³²O a latou faoa aai o Etama, ma Aino, o Rimoni, ma Tokena, ma Asaua, o aai e lima ia;

³³o faoa aai uma foi e vagavagaia ia aai e oo i Paala. O latou nuu ia e nonofo ai, ma a latou tusi gafa.

³⁴O Mesopapa foi, ma Iameleka, ma Iosa le atalii o Amasia,

³⁵o Ioelu foi, ma Ieu le atalii o Iosevia, o le atalii ia o Seraia, o le atalii ia o Asielu,

³⁶o Elioenai foi, ma Iaakopa, ma Iesokaia, ma Asaia, ma Atielu, ma Isemielu, ma Penaia,

³⁷o Sesa foi le atalii o Sepi, o le atalii o Aluna, o le atalii o Ietaia, o le atalii o Semeri, o le atalii o Semaia.

³⁸O i latou ia ua ta‘ua o latou igoa, o alii sili i latou i o latou aiga; sa faatoateleina lava aiga o latou tamā.

³⁹Ua o atu i latou i le ala e ui ai i Kitori, i le itu i sasae o le vanu, e saili se mea e aai ai o latou lafu mamoe.

⁴⁰Na maua e i latou le mea ua i ai le vao e tele ma le lelei, ma le fanua lautele, ua mapu ai ma le filemu; auā sa nonofo sa Hamō i lea mea anamua.

⁴¹Na o mai i latou ia ua tusia o latou igoa, i ona po o Esekia le tupu o Iuta, ona faaumatia lea o latou fale ie, ma tagata o Meona, e na maua i lea mea, ua latou faaumatia lava i latou ua oo i nei ona po, ua nonofo ai foi i latou ua fai ai mo latou nuu; auā sa i ai mea e aai ai o latou lafu mamoe.

⁴²Na o atu nisi o i latou o le fanauga a Simeona, e toalima selau o tagata, i le mauga o Seira, o i latou na avea a latou ‘au, o Peletia, ma Nearia, ma Refaia, ma Usialu, o atalii o Isai.

⁴³Ua fasia e i latou o e na totoe o Amaleka o e na sao; ua latou mau ai foi i lea mea e oo i nei ona po.