Read Samoan Old Version Bible – O LE TUSI PAIA I. NOFOAIGA A TUPU, 6 Bible Online

I. NOFOAIGA A TUPU, 6 - Samoan Old Version Bible – O LE TUSI PAIA bible

I. NOFOAIGA A TUPU, 6

¹O Atalii o Levi; o Keresona, o Koato, ma Merari.

²O atalii foi o Koato; o Amaramo, o Isara, ma Heperona, ma Usialu.

³O fanau a Amaramo; o Arona, ma Mose, ma Miriama. O atalii o Arona; o Natapu, ma Aviu, o Eleasaro, ma Itamaro.

⁴Ua fanaua e Eleasaro o Fineaso, ua fanaua e Fineaso o Apisua,

⁵ua fanaua e Apisua o Puki, ua fanaua e Puki o Usi,

⁶ua fanaua e Usi o Serakia, ua fanaua e Serakia o Meraiota,

⁷ua fanaua o Meraiota o Amaria, ua fanaua e Amaria o Akitopo,

⁸ua fanaua e Akitopo o Satoka, ua fanaua e Satoka o Aimaasu,

⁹ua fanaua e Aimaasu o Asaria, ua fanaua e Asaria o Iokana,

¹⁰ua fanaua e Iokana o Asaria o ia na faitaulaga i le fale na faia e Solomona i Ierusalema;

¹¹ua fanaua e Asaria o Amaria, ua fanaua e Amaria o Akitopo,

¹²ua fanaua e Aikitopo o Satoka, ua fanaua e Satoka o Saluma,

¹³ua fanaua e Saluma o Hilikia, ua fanaua e Hilikia o Asaria,

¹⁴ua fanaua e Asaria o Seraia, ua fanaua e Seraia o Iosatako,

¹⁵a ua alu atu Iosatako ina ua faatāfeaina e Ieova o Iuta ma Ierusalema i le lima o Nepukanesa.

¹⁶O atalii o Levi; o Keresona, o Koato, ma Merari.

¹⁷O igoa nei o atalii o Keresona; o Lepeni ma Semi.

¹⁸O atalii o Koato; o Amaramo, ma Isara, ma Heperona, ma Usialu.

¹⁹O atalii o Merari; o Maali, ma Muse. O aiga ia o sa Levī e faatatau i o latou tamā.

²⁰Na ia Keresona; o Lepeni lona atalii, o Iakata lona atalii, o Sema lona atalii,

²¹o Ioaa lona atalii, o Itu lona atalii, o Sera lona atalii, o Iatirai lona atalii.

²²O le fanauga a Koato; o Aminatapu lona atalii, o Koru lona atalii, o Asiro lona atalii,

²³o Elekana lona atalii, ma Aviasafo lona atalii, ma Asiro lona atalii,

²⁴o Taata lona atalii, o Urielu lona atalii, o Usia lona atalii, ma Saulo lona atalii.

²⁵O atalii foi o Elekana; o Amesai, ma Akimota.

²⁶O Elekana; o le fanauga a Elekana; o Sofai lona atalii, ma Nakato lona atalii,

²⁷o Eliapo lona atalii, o Ieroama lona atalii, o Elekana lona atalii.

²⁸O atalii nei o Samuelu; o Vaseni le ulumatua, ma Avia.

²⁹O le fanauga a Merari; o Maali lona atalii, o Lepeni lona atalii, o Semi lona atalii, o Usa lona atalii,

³⁰o Samea lona atalii, o Hakia lona atalii, o Asaia lona atalii.

³¹O i latou nei sa tofia e Tavita e fai pesega i le fale o Ieova, ina ua tumau ai le atolaau.

³²Na latou auauna foi i pese i luma o le malumalu o le fale fetafai o le faapotopotoga, ina seia faia le fale o Ieova e Solomona i Ierusalema, ona latou tutū ai lea i lo latou faiva e tusa ma o latou tofiga.

³³O i latou nei na tutū i latou atoa ma o latou atalii. O isi o le fanauga a sa Koatō; o Hemana o le usu pese ia, o le atalii o Ioelu, o le atalii ia o Samuelu,

³⁴o le atalii ia o Elekana, o le atalii ia o Ieroama, o le atalii ia o Elielu, o le atalii ia o Toka,

³⁵o le atalii ia o Sufi, o le atalii ia o Elekana, o le atalii ia o Makata, o le atalii ia o Amesai,

³⁶o le atalii ia o Elekana, o le atalii ia o Ioelu, o le atalii ia o Asaria, o le atalii ia o Sefania,

³⁷o le atalii ia o Taata, o le atalii ia o Asiro, o le atalii ia o Aviasafo,

³⁸o le atalii ia o Koru, o le atalii ia o Isara, o le atalii ia o Koato, o le atalii ia o Levi, o le atalii ia o Isaraelu.

³⁹O lona uso foi o Asafo, o le na tu i lona itu taumatau, o Asafo, o le atalii ia o Perekia, o le atalii ia o Samea,

⁴⁰o le atalii ia o Mekaeli, o le atalii ia o Paaseia, o le atalii ia o Malakia,

⁴¹o le atalii ia o Etini, o le atalii ia o Sera, o le atalii ia o Ataia,

⁴²o le atalii ia o Etano, o le atalii ia o Sema, o le atalii ia o Semi,

⁴³o le atalii o Iakata, o le atalii o Keresona, o le atalii o Levi.

⁴⁴O latou uso foi o le fanauga a Merari na tutu i latou i le itu tauagavale; o Etano le atalii o Kisi, o le atalii ia o Opeti, o le atalii ia o Maluka,

⁴⁵o le atalii ia o Hasapea, o le atalii ia o Amasia, o le atalii ia o Hilikia,

⁴⁶o le atalii ia o Amesi, o le atalii ia o Pani, o le atalii ia o Semeri,

⁴⁷o le atalii ia o Maali, o le atalii ia o Musi, o le atalii ia o Merari, o le atalii ia o Levi.

⁴⁸O latou uso foi o sa Levī na tofia i latou i galuega uma lava o le malumalu o le fale o le Atua.

⁴⁹A o Arona ma ona atalii ua latou fai taulaga i luga o le fata faitaulaga i taulaga mu, ma luga o le fata e mu ai mea manogi, ua tofia i galuega uma i le mea e sili ona paia, e fai ai foi le togiola mo Isaraelu, e tusa ma mea uma na poloai mai ai Mose le auauna a le Atua.

⁵⁰O le fanauga lenei a Arona; o Eleasaro lona atalii, o Fineaso lona atalii, o Apisua lona atalii,

⁵¹o Puki lona atalii, o Usi lona atalii, o Serakia lona atalii,

⁵²o Meraiota lona atalii, o Amaria lona atalii, o Akitopo lona atalii,

⁵³o Satoka lona atalii, o Aimaasu lona atalii.

⁵⁴O mea nei sa nonofo ai i latou, o atalii o Arona, o aiga o sa Koatō i o latou ‘olo i o latou nuu; auā ua ia te i latou le tofi.

⁵⁵Na latou tuuina atu ia te i latou o Heperona i le nuu o Iuta, ma ona tuāfanua e siosio ai.

⁵⁶A o fanua o le aai ma ona faoa aai, na tuuina atu e i latou ia Kalepo le atalii o Iefune.

⁵⁷Na latou tuuina atu i atalii o Arona o aai o sulufaiga, o Heperona; o Lipena foi ma ona tuāfanua, ma Iatira, ma Esetemoa ma ona tuāfanua,

⁵⁸o Holona foi ma ona tuāfanua, o Tiperi ma ona tuāfanua,

⁵⁹o Asana ma ona tuāfanua, ma Petesemesa ma ona tuāfanua,

⁶⁰O aai o le itu aiga o Peniamina; o Kipea ma ona tuāfanua, ma Alemeta ma ona tuafanua, ma Anatota ma ona tuāfanua. O latou aai uma i o latou aiga, o aai e sefulu ma le tolu.

⁶¹O atalii foi o Koato, o e na totoe o le aiga o lena itu aiga, na tuuina atu i ai i le vili o aai e sefulu, ai le vaega o le itu aiga, o le tasi vaega lea o Manase.

⁶²Na avatu foi i atalii o Keresona i o latou aiga, o aai e sefulu ma le tolu, mai le itu aiga o Isakara, ma le itu aiga o Asera, ma le itu aiga o Nafatali, ma le itu aiga o Manase i Vasana.

⁶³Na avatu i atalii o Merari i o latou aiga, i le vili, o aai e sefulu ma le lua, mai le itu aiga o Reupena, ma le itu aiga o Kato, ma le itu aiga o Sepulona.

⁶⁴Na avatua e le fanauga a Isaraelu i sa Levi o ia aai ma o latou tuāfanua.

⁶⁵Na tuuina atu e i latou i le vili o aai nei, ua ta‘ua ai o latou igoa, ai le itu aiga o le fanauga a Iuta, ma le itu aiga o le fanauga a Simeona, ma le itu aiga o le fanauga a Peniamina.

⁶⁶O isi aiga foi o atalii o Koato ua i ai aai i o latou nuu mai le itu aiga o Efaraima.

⁶⁷Na latou tuuina atu ia te i latou aai o sulufiaga, o Sekema ma ona tuāfanua i le mauga o Efaraima; o Kasera foi ma ona tuāfanua,

⁶⁸ma Iokameama ma ona tuāfanua, ma Peteorana ma ona tuāfanua,

⁶⁹o Ailona foi ma ona tuāfanua, ma Katarimoni ma ona taafanua.

⁷⁰Na avatua foi nai le tasi vaega o le itu aiga o Manase, o Aneri ma ona tuāfanua, ma Pileama ma ona tuāfanua, mo e o totoe o le aiga o atalii o Koato.

⁷¹Na avatua i atalii o Keresona, mai le aiga o le tasi vaega o le itu aiga o Manase, o Koleni i Vasana ma ona tuāfanua, ma Aserota ma ona tuāfanua;

⁷²na avatua mai le itu aiga o Isakara, o Katesa ma ona tuāfanua, o Taperu ma ona tuāfanua,

⁷³o Ramota foi ma ona tuāfanua, ma Anima ma ona tuāfanua.

⁷⁴Na avatua nai le itu aiga o Asera, o Mesala ma ona tuāfanua, ma Apetono ma ona tuāfanua,

⁷⁵ma Hukoka ma ona tuāfanua, ma Reopa ma ona tuāfanua.

⁷⁶Na avatua nai le itu aiga o Nafatali, o Katesa i Kalilaia ma ona tuāfanua, ma Hamoni ma ona tuāfanua, ma Kiriatima ma ona tuāfanua.

⁷⁷O e na totoe o atalii o Merari na avatu i ai mai le itu aiga o Sepulona o Rimoni ma ona tuāfanua, ma Tapora ma ona tuāfanua.

⁷⁸Na avatua ia te i latou i lela itu o Ioritana e fesagai ma Ieriko, i le itu i sasae o Ioritana, mai le itu aiga o Reupena, o Peseri i le vao ma ona tuāfanua, ma Iaesa ma ona tuāfanua,

⁷⁹o Katemoti foi ma ona tuāfanua, ma Mefata ma ona tuāfanua.

⁸⁰Na avatua nai le itu aiga o Kato o Ramota i Kiliata ma ona tuāfanua, ma Maanaima ma ona tuāfanua,

⁸¹o Hesepona foi ma ona tuāfanua ma Iasaru ma ona tuāfanua.