Read Samoan Old Version Bible – O LE TUSI PAIA NEEMIA, 10 Bible Online

NEEMIA, 10 - Samoan Old Version Bible – O LE TUSI PAIA bible

NEEMIA, 10

¹O i latou e na faamaufaailoga; o Neemia, le alii e pule, le atalii o Hakalia, ma Setekaia,

²o Seraia, o Asaraia, o Ieremia,

³o Pasura, o Amaria, o Malekia,

⁴o Hatusa, o Sepania, o Maluka,

⁵o Harima, o Meremota, o Opetaia,

⁶o Tanielu, o Ginetonu, o Paruka,

⁷o Mesulama, o Avia, o Meamina,

⁸o Maasia, o Pileka, o Semaia; o faitaulaga ia.

⁹A o sa Levī; o Iosua foi, le atalii o Asania, o Penui mai atalii o Henatati, o Katameeli;

¹⁰ma o latou uso, o Sepania, o Hotia, o Kelita, o Pelaia, o Hanana,

¹¹o Mika, o Reopo, o Hasepea,

¹²o Sakuro, o Serepeia, o Sepania,

¹³o Hotia, o Pani, o Peninu.

¹⁴O alii o le nuu; o Parose, o Paka-moapi, o Elama, o Satu, o Pani,

¹⁵o Puni, o Asekata, o Pepai,

¹⁶o Atonia, o Pikevai, o Atini,

¹⁷o Atere, o Esekia, o Asura,

¹⁸o Hotia, o Hasumu, o Pesai,

¹⁹o Haripa, o Anatota, o Nepai,

²⁰o Magefiasa, o Mesulama, o Hesera,

²¹o Mesesapelu, o Satoka, o Iatua,

²²o Pelatia, o Hanana, o Anaia,

²³o Hosea, o Hanania, o Hasupo,

²⁴o Halokesu, o Peleka, o Sopeka,

²⁵o Rekuma, o Hasapena, o Maaseia,

²⁶ma Akia, o Hanana, o Anana,

²⁷o Maluka, o Harima, o Paana.

²⁸O i latou foi ua totoe o le nuu, o faitaulaga, o sa Levī, o leoleo faitotoa, o e pepese, o netini, ma i latou uma na vavaeeseina i tagata o nuu ese i le tulafono a le Atua, o a latou avā, o latou atalii, ma o latou afafine, o i latou uma ua iloa, ma ua lagona;

²⁹ua latou pipii atu i o latou uso, o latou alii, ma ua latou augani, ma tauto, latou te savavali i le tulafono a le Atua, na tuuina mai e Mose le auauna a le Atua, e tausi foi ma fai i poloaiga uma a Ieova lo tatou Alii, ma ana faamasinoga, ma ana sauniga;

³⁰ina ia matou le avatu foi o matou afafine i tagata o le nuu, ma ia le fai avā o matou atalii i o latou afafine;

³¹a au mai foi e tagata o le nuu o oloa po o se mea e ‘ai i le aso sapati e faatau ai, matou te le faatau ma i latou i le sapati, po o se aso paia; matou te tuua foi le tausaga e fitu, ma le taui faasili uma.

³²Na matou faia foi mo i matou o tulafono e avatu e i matou i lea tausaga ma le tausaga o lona vaetolugalemu o le sekeli mo le galuega o le fale o lo tatou Atua;

³³ma le areto e laulauina i luma, ma le taulaga i mea e ‘ai e le aunoa, ma le taulaga mu e le aunoa, o sapati, o masina faatoa vaaia, ma tausamiga, ma mea paia, ma taulaga mo agasala e faia le togiola mo Isaraelu, ma sauniga uma o le fale o lo tatou Atua.

³⁴Na faia foi e i matou le vili e faitaulaga, ma sa Levī, ma le nuu, i taulaga o fafie, e au mai ai i le fale o lo tatou Atua, e āu i aiga o tatou tamā, i aso ua tofia i lea tausaga ma lea tausaga, e mu ai i le fata faitaulaga o Ieova lo tatou Atua e pei ona tusia i le tulafono;

³⁵e au mai foi le faapolopolo o lo tatou laueleele, ma le faapolopolo o fua uma o laau uma, i lea tausaga ma lea tausaga, i le fale o Ieova;

³⁶o ulumatua foi o tatou atalii, ma a tatou manu, e pei ona tusia i le tulafono, o le muai fanau o a tatou povi ma a tatou mamoe, e au mai ai i le fale o lo tatou Atua, i faitaulaga o loo auauna i le fale o lo tatou Atua;

³⁷ia tatou au mai foi le faapolopolo a tatou palugāfalaoa, ma a tatou taulaga, ma fua o laau uma, o uaina, ma suāuu, i faitaulaga, i potu o le fale o lo tatou Atua; ma mea e sefulu a‘i fua o lo tatou laueleele i sa Levī, ia ia te i latou o sa Levī lava o mea e sefulu a‘i i aai uma tatou te galulue ai.

³⁸E i ai foi le faitaulaga o le fanauga a Arona i sa Levī, pe a talia e sa Levī o mea e sefulu a‘i mea; e au mai foi e sa Levī o mea e sefulu a‘i le sefulu o mea i le fale o lo tatou Atua, i potu o le fale oloa.

³⁹Auā e au mai e le fanauga a Isaraelu ma le fanauga a Levī, o taulaga o le saito, o le uaina, ma le suāuu, i potu o i ai mea a le malumalu, ma faitaulaga o e auauna, ma leoleo faitotoa, ma e ua pepese; tatou te le tuua lava le fale o lo tatou Atua.