Read Samoan Old Version Bible – O LE TUSI PAIA NEEMIA, 11 Bible Online

NEEMIA, 11 - Samoan Old Version Bible – O LE TUSI PAIA bible

NEEMIA, 11

¹Sa nonofo alii o le nuu i Ierusalema; a o e na totoe o le nuu ua latou fai le vili, e au mai le tasi mai taitoasefulu e nofo i Ierusalema le aai paia, a e tuua le taitoaiva i nisi aai.

²Ona faamanuia lea e le nuu o tagata uma, e na ofo fua e nonofo i Ierusalema.

³O matai nei o le nuu o e sa nonofo i Ierusalema; a ua nonofo i aai o Iuta taitoatasi i lona tofi i o latou aai, o Isaraelu, o faitaulaga, ma sa Levī, ma le au netini, ma le fanauga a auauna a Solomona.

⁴Sa nonofo foi i Ierusalema nisi o le fanauga a Iuta, ma nisi o le fanauga a Peniamina. O le fanauga a Iuta; o Ataia le atalii o Usi, o le atalii ia o Sakaria, o le atalii ia o Amaria, o le atalii ia o Sefatia, o le atalii ia o Maalaelu, ai le fanauga a Faresa;

⁵o Maaseia foi le atalii o Paruka, o le atalii ia o Kolokuse, o le atalii ia o Hasaia, o le atalii ia o Ataia, o le atalii ia o Ioiaripa, o le atalii ia o Sakaria, o le atalii ia o Seloni.

⁶O le fanauga uma a Faresa o e sa nonofo i Ierusalema e fa selau ma le toaonogafulu ma le toavalu, o tagata malolosi.

⁷O le fanauga foi nei a Peniamina; o Salu le atalii o Mesulama, o le atalii ia o Ioeta, o le atalii ia o Petaia, o le atalii ia o Kulaia, o le atalii ia o Maaseia, o le atalii ia o Itielu, o le atalii ia o Isaia.

⁸E aupito ane foi ia te ia o Kapai, ma Salai, e toaiva selau ma le toaluafulu ma le toavalu.

⁹Na pule foi ia te i latou o Ioelu le atalii o Sekeri; o lona lua foi o pule i le aai, o Iuta lea le atalii o Senua.

¹⁰O faitaulaga; o Ietaia le atalii o Ioiaripa, ma Iakinu,

¹¹o Seraia le atalii o Hilikia, o le atalii ia o Mesulama, o le atalii ia o Satoka, o le atalii ia o Meraiota, o le atalii ia o Akitopo, na pule ia i le fale o le Atua.

¹²O latou uso foi o e na fai le galuega i le fale, e valu selau ma le toaluafulu ma le toalua i latou; o Ataia foi le atalii o Ieroama, o le atalii ia o Pelalia, o le atalii ia o Amesi, o le atalii ia o Sakaria, o le atalii ia o Pasura, o le atalii ia o Malekia,

¹³ma ona uso o matai sili, e lua selau ma le toafagafulu ma le toalua; ma Amasesai le atalii o Asareelu, o le atalii ia o Aasai, o le atalii ia o Meselemita, o le atalii ia o Imeru,

¹⁴o latou uso foi, o toa malolosi, e selau e toaluafulu ma le toavalu; na pule foi ia te i latou o Sapetielu le atalii o Hagetolima.

¹⁵O sa Levī foi; o Semaia le atalii o Hasupo, o le atalii ia o Aserikama, o le atalii ia o Hasapea, o le atalii ia o Puni;

¹⁶o Sapetai foi ma Iosapata, o matai o sa Levī, na la pule i le galuega i fafo o le fale o le Atua.

¹⁷O Matenaia foi le atalii o Mika, o le atalii ia o Sapata, o le atalii ia o Asafo, o le matai lea e amata ai le faafetai ma le tatalo; o Pakepuka foi, o lona lua lea i ona uso, ma Apeta, le atalii o Samua, o le atalii ia o Kalali, o le atalii ia o Iutana.

¹⁸O sa Levī uma i le aai paia, e lua selau ma le toavalugafulu ma le toafa i latou.

¹⁹O leoleo faitotoa foi, o Akupa ma Talemoni, ma o latou uso o e na leoleo i faitotoa, e tasi le selau ma le toafitugafulu ma le toalua i latou.

²⁰O e na totoe o Isaraelu, o faitaulaga, ma sa Levī, sa i aai uma o Iuta i latou taitoatasi i lona tofi.

²¹A o le au netini, ua latou nonofo i Ofele; na pule foi i le au netini o Seka ma Gisepa.

²²O le na pule foi i sa Levī i Ierusalema, o Usi le atalii o Pani, o le atalii ia o Hasapea, o le atalii ia o Matania, o le atalii ia o Mika. O le fanauga a Asafo, o e pepese na pule i latou i le galuega i le fale o le Atua.

²³Auā o le poloaiga a le tupu ia te i latou, ia fai le vaega o mea e ‘ai a e pepese i lea aso ma lea aso.

²⁴O Petakia foi le atalii o Mesesapelu, ai le fanauga a Sera le atalii o Iuta, sa i tafatafa o le tupu ia i mea uma a le nuu.

²⁵O faoa aai foi ma o latou fanua; sa nonofo nisi o le fanauga a Iuta i Kiriata-arapa ma ona faoa aai, ma Tipona ma ona faoa aai, ma Kapeseelu ma ona faoa aai,

²⁶ma Iosua, ma Molata, ma Petepaleta,

²⁷ma Hasarasualo, ma Peresepa ma ona faoa aai,

²⁸ma Sekeleka, ma Mekoni ma ona faoa aai,

²⁹ma Ainorimoni, ma Sorea, ma Iaremuta,

³⁰o Sanoa, o Atulama ma o la faoa aai, o Lakisa ma ona fanua, o Aseka ma ona faoa aai. Ua latou nonofo foi e pau mai Peresepa ua oo atu i le vanu o Hinoma.

³¹O le fanauga foi a Peniamina e pau mai i Kipea e pau mai foi i Mekemase, ma Ai, ma Peteli ma o latou faoa aai,

³²o Anatota, o Nove, o Anania,

³³o Hasora, o Rama, o Kitaima,

³⁴o Hatito, o Sepoima, o Nepalatu,

³⁵o Loto, ma Ono o le vanu o tufuga.

³⁶Sa i ai foi Iuta, ma Peniamina o vasega o sa Levī.