Read Samoan Old Version Bible – O LE TUSI PAIA ESETA, 2 Bible Online

ESETA, 2 - Samoan Old Version Bible – O LE TUSI PAIA bible

ESETA, 2

¹Ua mavae ia mea, ua maona foi le ita o le tupu o Asueru, ona manatua lea e ia o Vasati, ma le mea na ia faia, i le ma le tulafono na faia ia te ia.

²Ona fai atu ai lea o auauna, e na auauna i le tupu, Ia sailiili mai mā le tupu o teine taupou lalelei.

³Ia tofia foi e le tupu o matai i itu malo uma o lona malo, latou te faapotopotoina teine taupou lalelei uma i Susana le maota, i le fale o fafine, ia Hege le eunuka a le tupu, o lē tausi i fafine; ma ia avatua ia te i latou mea e faamamāina a‘i i latou.

⁴O le teine foi e fiafia i ai le tupu ia avea o ia ma masiofo e sui ai Vasati. Ua lelei lea upu i le manatu o le tupu; ona ia faia lea faapea.

⁵Ua i ai i Susana le maota o le tasi tagata o sa Iutā, o Moretekai lona igoa, o le atalii o Iairo, o le atalii ia o Semi, o le atalii ia o Kiso, o lo sa Peniaminā.

⁶Ua tāfea mai o ia mai Ierusalema faatasi ma le tafeaga na tāfea faatasi ma Iekonia le tupu o Iuta, o le na tāfea e Nepukanesa le tupu o Papelonia.

⁷Ua fai o ia ma tamā o Hatesa, o Eseta foi lea, o le afafine o le uso o lona tamā, ina ua leai sona tamā po o sona tinā; o le teine foi ua lalelei lona tino, ma ua lalelei ona mata. Ua oti lona tamā ma lona tinā, ona avea ai lea o ia e Moretekai e fai mona afafine.

⁸Ua lagona e ia le upu a le tupu ma lana tulafono, ma ua faapotopotoina ai teine e toatele i Susana le maota ia Hege, ona avea ai lea o Eseta i le fale o le tupu ia Hege, lē tausi i fafine.

⁹Ua lelei le teine i lona manatu, ua alofaina o ia e ia; ona ia vave tuuina atu ai lea ia te ia ana mea e faamamāina a‘i, atoa ma mea na tofia māna, ma teine e toafitu e na filifilia mai le aiga o le tupu e tuuina atu ia te ia; ua ia tuu atu foi ia te ia ma lona galu teine i le mea sili i le fale o fafine.

¹⁰E lei faailoa atu e Eseta lona nuu po o lona aiga; auā na fai atu e Moretekai ia te ia aua na te faailoa atu.

¹¹O lea aso ma lea aso foi na fealualuai ai o Moetekai i luma o le lotoā o le fale o fafine ina ia iloa po o malolo Eseta; pe se a foi se mea e faia ia te ia.

¹²Na aua‘i ona solo taitoatasi o teine i lo latou o atu i le tupu o Asueru ina ua atoatoa masina e sefulu ma le lua, e tusa ma le tulafono i fafine; auā na faapea ona atoatoa ai o aso o le faamamāina o i latou; o masina e ono e uu ai i le suāuu muro, ma masina e ono i mea manogi, ma mea e faamamāina a‘i fafine.

¹³Ua faapea foi ona alu atu o le teine i le tupu; na avatua ia te ia mea uma na ia fai atu ai e alu ai ma ia mai le fale o fafine i le fale o le tupu.

¹⁴O le afiafi na alu atu ai o ia, o le taeao foi na toe foi ai i le lua o fale o fafine ia Sasekasa le eunuka a le tupu, o le leoleo i palake; na ia le toe alu atu i le tupu, vagana ona fiafia o le tupu ia te ia, ma ua valaauina lona igoa.

¹⁵Ua oo foi ia Eseta le afafine o Aviaila le uso o le tamā o Moretekai, o le na faia o ia mona afafine, ona alu atu i le tupu, e lei fai atu ai o ia i se mea ua na o mea na fai atu ai Hege le eunuka a le tupu, o le tausi fafine. Ua alofagia foi Eseta e i latou uma e na iloa o ia.

¹⁶Ua avea Eseta i le tupu o Asueru i le fale o le tupu i le sefulu o masina, o le masina lea o Tapeta, i le fitu o tausaga o lana nofoaiga.

¹⁷Ua sili foi le manao o le tupu ia Eseta i fafine uma, ua sili foi ona alofaina ma faapelepeleina o ia e ia i taupou uma; ona ia tuu atu ai lea o le palealii i lona ulu, ma fai o ia ma masiofo e sui a‘i Vasati.

¹⁸Ona faia lea e le tupu o le tausamiga tele mā alii uma ua ia te ia ma ana auauna, o le tausamiga ona o Eseta; na ia tuuina atu ia malolo tagata o itu malo, na ia foai atu foi mea alofa e pei ona tatau i le tupu.

¹⁹Ua nofo Moretekai i le faitotoa o le tupu, ina o faapotopotoina faalua o taupou.

²⁰E lei faailoa atu e Eseta lona aiga po o lona nuu; e pei ona fai atu ai Moretekai ia te ia; auā na faia e Eseta mea na fai atu ai Moretekai, e pei ona ia faia ina o tausia o ia e ia.

²¹O ona po ia ina o nofo Moretekai i le faitotoa o le tupu, na ita ai Piketano ma Tirese, o eunuka ia e toalua a le tupu, o e na leoleo i le faitotoa, na la fia faaoo foi o la lima i le tupu o Asueru.

²²Ua iloa le mea e Moretekai, ona ia faailoa atu lea i le masiofo o Eseta; ona ta‘u atu ai lea e Eseta i le tupu i le igoa o Moretekai.

²³Ua suesueina le mea, ona iloa lea; ona faatautauina ai lea o i laua i le laau. Na tusia ai foi i luma o le tupu i le tusi o tala i nofoaiga.