Read Samoan Old Version Bible – O LE TUSI PAIA IOPU, 25 Bible Online

IOPU, 25 - Samoan Old Version Bible – O LE TUSI PAIA bible

IOPU, 25

¹Ona tali mai ai lea o Pilitati le Sua, Ua faapea mai, ua ia te ia le pule ma le matautia;

²na te faatupuina le filemu i ana mea maualuluga.

³E mafai ea ona faitaulia ana ‘au? Oo ai foi se tasi ua le pupula i ai lona malamalama?

⁴O lenei, pe faapefea ona ta‘uamiotonuina le tagata i luma o le Atua? Pe faapefea foi ona mamā o ia ua fanau mai i le fafine?

⁵Faauta, o le masina ua le pupula lea; o fetu foi ua le mamā ia i lana silafaga.

⁶E atili ai ona faapea le tagata ua se tuga ia, ma le fanauga a tagata ua se ilo ia.