Read Samoan Old Version Bible – O LE TUSI PAIA SALAMO, 114 Bible Online

SALAMO, 114 - Samoan Old Version Bible – O LE TUSI PAIA bible

SALAMO, 114

¹Na alu atu Isaraelu nai Aikupito, o le aiga o Iakopo nai le nuu gagana ese;

²ona fai lea o Iuta mona nuu paia, o Isaraelu o le na ia pule i ai.

³Ua iloa atu e le sami, ona sola ai lea; ua liliu i tua Ioritana.

⁴Ua feosofai mauga faapei o mamoe poa, ma mauga iti pei o tamai mamoe.

⁵Le sami e, se a ea le mea na e sola ai? O oe Ioritana e, se a le mea na e liliu ai i tua?

⁶O outou mauga na outou feosofai faapei o mamoe poa i se a? Ma outou mauga iti pei o tamai mamoe i se a?

⁷Le eleele e, ina gatete ia oe i luma o le Alii, i luma o le Atua o Iakopo;

⁸o le na te liua le papa e fai ma vailepa; o le papa alā e fai ma vaipuna.