Read Samoan Old Version Bible – O LE TUSI PAIA SALAMO, 120 Bible Online

SALAMO, 120 - Samoan Old Version Bible – O LE TUSI PAIA bible

SALAMO, 120

¹Na ou valaau atu ia Ieova i lo‘u puapuaga, na ia tali mai foi ia te au.

²Ieova e, ia e laveai mai ia te au i laugutu pepelo, ma le laulaufaiva e faa‘ole‘ole.

³Le laulaufaiva faa‘ole‘ole e, se a se mea e tuuina atu ia te oe? Se a foi se mea e faaopoopoina ia te oe?

⁴O u maamaai a le tagata malosi, atoa ma malala ola o le ratami.

⁵Aue a‘u nei! Auā ou te āumau i Meseko, ma ou nofo i faleie o Kitara.

⁶Ua leva ona ou nofo faatasi ma le ua ‘ino‘ino i le filemu.

⁷O a‘u nei e filemu lava a‘u; a o i latou, a a‘u tautala atu, e fia tau i latou.