Read Samoan Old Version Bible – O LE TUSI PAIA SALAMO, 121 Bible Online

SALAMO, 121 - Samoan Old Version Bible – O LE TUSI PAIA bible

SALAMO, 121

¹E faasaga ae o‘u mata i mauga, e oo mai ai lo‘u fesoasoani.

²O lo‘u fesoasoani mai ia Ieova lea, o le na faia le lagi atoa ma le lalolagi.

³E le tuuina mai e ia ia mapeva lou vae; o lou leoleo e le tulemoe lava ia.

⁴Faauta, o lē leoleo ia Isaraelu, e le tulemoe ia, e le moe lava.

⁵O Ieova, o lou leoleo ia; o Ieova, o lou paolo lea i lou itu taumatau.

⁶E le taia oe e le la i le ao, po o le masina i le po.

⁷E leoleo e Ieova ia te oe i mea leaga uma lava; e leoleo mai o ia i lou agaga.

⁸E leoleo Ieova i lou ulufafo ma lou ulufale, e amata mai nei lava, a e oo i le faavavau.