Read Samoan Old Version Bible – O LE TUSI PAIA SALAMO, 124 Bible Online

SALAMO, 124 - Samoan Old Version Bible – O LE TUSI PAIA bible

SALAMO, 124

¹Ana le seanoa Ieova na ia te i tatou, ia faapea atu lava Isaraelu;

²ana le seanoa Ieova na ia te i tatou, ina ua laga mai tagata ia te i tatou;

³po ua latou foloolaina i tatou, ina ua tupu tele lo latou ita mai ia te i tatou;

⁴po ua tatou malelemo i le vai; po ua lofia i tatou i le alia;

⁵po ua tafe mai le vai faamaualuga i o tatou luga.

⁶Ia faafetaia Ieova, o le na le tuuina atu i tatou ina ia saeia i o latou nifo.

⁷Ua sosola i tatou e pei o le manu nai le matāsele a e fāi manu; ua motu le matāsele, i le ua sosola i tatou.

⁸O lo tatou fesoasoani o i le suafa o Ieova lea, o le na faia le lagi atoa ma le lalolagi.