Read Samoan Old Version Bible – O LE TUSI PAIA SALAMO, 125 Bible Online

SALAMO, 125 - Samoan Old Version Bible – O LE TUSI PAIA bible

SALAMO, 125

¹O e faalagolago ia Ieova e faapei o le mauga o Siona i latou, e le faagaeetia, a e tumau e faavavau.

²O Ierusalema ua siosioina i mauga; o Ieova foi na te siomia lona nuu, e amata mai nei lava, a e oo i le faavavau.

³Auā o le tootoo o e amio leaga e le tumau lea i le tofi o e amiotonu; ina ne‘i tago atu lima o e amiotonu i se amio leaga.

⁴Ieova e, ia e agalelei mai i e ua agalelei, ma e ua tonu o latou loto.

⁵A o e liliu ane i le agapiopio, o Ieova na te ta‘ita‘iina i latou faatasi ma e o fai amio leaga; e ia Isaraelu le manuia.