Read Samoan Old Version Bible – O LE TUSI PAIA SALAMO, 128 Bible Online

SALAMO, 128 - Samoan Old Version Bible – O LE TUSI PAIA bible

SALAMO, 128

¹Amuia i latou uma o e matatau ia Ieova, o e savavali i ona ala.

²Auā e te ‘ai i mea e galue ai ou lima; e ia te oe le manuia, e ia te oe foi le lelei.

³E avea lau avā pei o le vine fua tele mai i totonu o lou fale; o lau fanau e pei o tamai olive e vagavagai lau laoai.

⁴Faauta, e faapea ona manuia o le tagata e mata‘u ia Ieova.

⁵E faamanuia mai Ieova ia te oe mai Siona; ona e iloa atu lea le manuia o Ierusalema i aso uma o lou olaga.

⁶E te iloa atu foi le fanau a lau fanau; e ia Isaraelu le manuia.