Read Samoan Old Version Bible – O LE TUSI PAIA SALAMO, 130 Bible Online

SALAMO, 130 - Samoan Old Version Bible – O LE TUSI PAIA bible

SALAMO, 130

¹Ieova e, ua ou valaau atu ia te oe ai mea loloto.

²Le Alii e, ia e faafofoga mai i lo‘u leo; ia liliu mai ou fofoga i le leo o la‘u aioi atu.

³Ioa e, afai e te mataulia le amio leaga, le Alii e, o ai se na te mafaia ona tulai?

⁴A o ia te oe le faamagaloina o sala, ina ia matautia oe.

⁵Ou te faatali atu ia Ieova, o loo faatali atu lava lo‘u agaga; ou te faamoemoe foi i lana afioga.

⁶O loo faatalitali atu lo‘u agaga i le Alii e sili i e o leoleo ona faatalitali i le taeao; e sili lava i e o leoleo ona faatalitali i le taeao.

⁷Ia faamoemoe Isaraelu ia Ieova; auā o ia Ieova le alofa, o ia te ia foi le faaolataga tele.

⁸O ia lava na te faaolaina Isaraelu ai a latou amio leaga uma lava.