Read Samoan Old Version Bible – O LE TUSI PAIA SALAMO, 135 Bible Online

SALAMO, 135 - Samoan Old Version Bible – O LE TUSI PAIA bible

SALAMO, 135

¹Ia outou vivii atu ia Ioa. Vivii atu ia outou i le suafa o Ieova; o outou auauna a Ieova, vivii atu ia outou ia te ia.

²Outou o e tutū i le fale o Ieova, i lotoā o le fale o lo tatou Atua,

³ia outou vivii atu ia Ioa; auā e lelei Ieova, ia fai pesega i lona suafa; auā e matagofie lea.

⁴Auā ua filifilia Iakopo e Ioa mona, o Isaraelu e fai mana oloa tāua.

⁵Auā o a‘u nei, ua ou iloa e sili lava Ieova, e sili foi lo tatou Alii i atua uma lava.

⁶O mea uma lava e finagalo i ai Ieova, e faia lava e ia i le lagi atoa ma le lalolagi, o le sami ma mea loloto uma lava.

⁷E avae e ia o ausa mai tulu‘iga o le lalolagi; na te faia le uila atoa ma le ua; na te aumaia le matagi mai mea e teu ai ana oloa.

⁸O le na fasia ulumatua a Aikupito, o tagata atoa ma manu.

⁹O le na auina atu o faailoga ma vavega ia te oe, Aikupito e, ia Farao ma ana auauna uma lava.

¹⁰O le na fasia nuu tetele, ma na fasiotia o tupu malolosi;

¹¹o Sekono le tupu o sa Amorī, ma Oko le tupu o Vasana, atoa ma tupu uma o Kanana.

¹²Ua na avatu foi lo latou laueleele ma tofi, o le tofi lava o lona nuu o Isaraelu.

¹³Ieova e, e faavavau lava Iou suafa; o le faamanatuga ia te oe, Ieova e, e āu tupulaga lea.

¹⁴Auā e faamasino e Ieova lona nuu; e salamo foi ia ona o ana auauna.

¹⁵O tupua o nuu ese, o ario ma auro ia, o galuega a lima o tagata.

¹⁶E fai o latou gutu, a e le feganavai; e fai o latou mata, a e le vaai;

¹⁷e fai o latou taliga, a e le faalogo; e leai foi se mānava i o latou gutu.

¹⁸O e faia ia mea ua tutusa lava ma i latou, o i latou uma o e faatuatua i ai.

¹⁹Le aiga o Isaraelu e, ia outou faamanū atu ia Ieova; le aiga o Arona e, ia outou faamanū atu ia Ieova; le aiga o Levi e,

²⁰ia outou faamanū atu ia Ieova; outou o e matatau ia Ieova, ina faamanū atu ia ia Ieova.

²¹Ia faamanū atu ia Ieova mai Siona, o le o afio i Ierusalema. Ia outou vivii atu ia Ioa.