Read Samoan Old Version Bible – O LE TUSI PAIA SALAMO, 137 Bible Online

SALAMO, 137 - Samoan Old Version Bible – O LE TUSI PAIA bible

SALAMO, 137

¹Na matou nonofo i auvai o vaitafe i Papelonia, na fetagisi ai lava i matou, ina ua matou manatua Siona.

²Ua matou tautauina a matou kitara i luga o garava ua i ai.

³Auā na inoino mai ia te i matou i lea mea o e na ta‘ita‘i ia i matou i le tafeaga, ia matou pepese i upu o le pese; o i latou foi na faatiga mai ia i matou, ua inoino mai ia olioli, ua faapea mai, Ia outou pepese mai ia i matou ni pese a Siona.

⁴Pe faapefea ona matou pepese le pese ia Ieova i le nuu ese?

⁵Ierusalema e, afai e galo oe ia te au, ia galo lava i lo‘u lima taumatau;

⁶afai ou te le manatua oe, ia pipii ae lo‘u laulaufaiva i lo‘u gutu, pe a le faasili Ierusalema i mea uma ou te fiafia i ai.

⁷Ieova e, ia e manatu i le fanauga a Etoma i le aso o Ierusalema; na latou faapea ane ai, ia faataatitiaina, ia faataatitiaina, ia oo i ona faavae.

⁸Le tama fafine a Papelonia e, e faatafunaina oe; amuia o lē faatatau ia te oe le taui na e taui mai ai ia te i matou.

⁹Amuia le tago i au tama meamea, ma palasi ia te i latou i le papa.