Read Samoan Old Version Bible – O LE TUSI PAIA SALAMO, 139 Bible Online

SALAMO, 139 - Samoan Old Version Bible – O LE TUSI PAIA bible

SALAMO, 139

¹Ieova e, ua e suesue mai ia te au, ua e silafia lava a‘u.

²O oe lava ua e silafia lo‘u nofo i lalo ma lo‘u tulai i luga; ua e silafia mamao mai o‘u manatunatu.

³Ua e suesue i lo‘u savali ma lo‘u taoto, ua e masani lava ma o‘u ala uma.

⁴A o leai lava se upu i lo‘u gutu, faauta, Ieova e, ua e silafia uma lava.

⁵Ua e siosio mai i o‘u tua atoa ma o‘u luma, ua e faaee mai foi lou aao i luga ia te au.

⁶O le poto lea e sili ona faigata ia te au, ua maualuga, ou te le mafaia.

⁷Ou te alu ea ifea ai lou Agaga? Ou te sola ifea ai ou luma?

⁸Afai ou te alu ae i le lagi, o i ai lava oe; afai ou te fofola so‘u moega i seoli, faauta, o i ai lava oe.

⁹Afai e faia mo a‘u apaau o le taeao, ma ou nofo i le tulu‘iga o le sami;

¹⁰e ta‘ita‘i mai ia te au i lea lava mea e lou aao, e taofi mai foi ia te au lou aao taumatau.

¹¹Afai ou te faapea atu, E ufitia lava a‘u i le pouliuli; ona fai lea o le po ma malamalama e siosiomia ai a‘u.

¹²Auā o le pouliuli e le pouliuli lava lea ia te oe; e malamalama le po pei o le ao; e tusa lava ia te oe le pouliuli ma le malamalama.

¹³Auā sa ia te oe o‘u manatunatu; na e ufiufi ia te au i le manava o lo‘u tinā.

¹⁴Ou te vivii atu ia te oe, auā na faia a‘u e ala ai ona matautia ma ofo tele ai; o mea na e faia, o mea mamana ia; ua ou matuā iloa e a‘u nei mea.

¹⁵E lei lilo lo‘u tino ia te oe, ina ua faia a‘u i le mea lilo, ina ua saunia a‘u i mea loloto i le lalolagi.

¹⁶Na silasila mai ou fofoga i o‘u tino uma ina o afuafua; ua tusia foi uma lava i lau tusi, o ona aso foi na faia ai, a o leai ni o‘u tino.

¹⁷Le Atua e, ua matuā sili ou manatunatu ona aoga ia te au, ua sili lava ona tele o lo latou faitau aofai.

¹⁸Afai ou te faitaulia, ua sili ia ona tele i le oneone; a a‘u ala, tā te i ai pea ma a‘u.

¹⁹E moni, le Atua e, e te fasioti i e amio leaga; o lea, ia o ese atu ai ia te au outou tagata ua totolima,

²⁰o e fai upu ia te oe e faatupu ai le leaga; e ta‘uta‘u fua i lou suafa o e ita ia te oe.

²¹Ieova e, ou te le ‘ino‘ino ea ia te i latou o e ‘ino‘ino ia te oe? Ma e o laga atu ia te oe, ou te le matuā ‘ino‘ino ea i ai?

²²Ou te ino‘ino lava ia te i latou ma le matuā ‘ino‘ino tele; ua fai i latou mo‘u fili.

²³Le Atua e, ia e suesue mai ia te au, ma ia e silafia lo‘u loto; tofotofo mai ia ia te au, ma ia e silafia o‘u manatunatu;

²⁴ma ia e silafia po o ia te au se ala e tiga ai; ma e ta‘ita‘iina mai a‘u i le ala o le faavavau.