Read Samoan Old Version Bible – O LE TUSI PAIA SALAMO, 142 Bible Online

SALAMO, 142 - Samoan Old Version Bible – O LE TUSI PAIA bible

SALAMO, 142

¹Na ou alaga ia Ieova i lo‘u leo; na ou aioi atu ia Ieova i lo‘u leo.

²Na ou faapaūina atu la‘u tagi i ona luma; na ou faaali atu lo‘u puapuaga i ona luma;

³na lailoa lo‘u loto i totonu ia te au, ona e silafia lea e oe o lo‘u ala; na tuu e i latou le matāsele mo a‘u i lea lava ala na ou savali ai.

⁴Na ou tepa i le itu taumatau, ma ou vaavaai, a ua leai se tasi na fia iloa a‘u; ua leai lava se ‘alofaga ia te au; ua leai se tasi na te sailia a‘u ia ou ola.

⁵Ieova e, na ou alaga atu ia te oe; na a‘u faapea atu, O oe lava lo‘u malu, o lo‘u tofi i le nuu o tagata ola.

⁶Ia e faafofoga mai i lo‘u alaga atu, auā ua vaivai lava a‘u; ia e laveaiina mai a‘u i e tuliloa mai ia te au; auā ua sili lo latou malosi i lo‘u.

⁷Ia e avatua lava a‘u ai le fale puipui, ina ia ou vivii atu i lou suafa; e vagavagai mai ia te au o e amiotonu, pe a e agalelei mai ai te au.