Read Samoan Old Version Bible – O LE TUSI PAIA SALAMO, 150 Bible Online

SALAMO, 150 - Samoan Old Version Bible – O LE TUSI PAIA bible

SALAMO, 150

¹Ia outou vivii atu ia Ioa. Ia outou vivii atu i le Atua i lona malumalu; ia vivii atu outou ia te ia i le va nimonimo o i ai lona malosi.

²Ia outou vivii atu ia te ia ona o ana mea mamana; vivii atu ia te ia e tusa ma lona silisili ese.

³Ia outou vivii atu ia te ia i le leo o le pu; vivii atu ia te ia i le napeli atoa ma le kitara.

⁴Ia outou vivii atu ia te ia i le topa ma le siva; vivii atu ia te ia i le menima ma le faaili.

⁵Ia outou vivii atu ia te ia i sumepalo taalili; vivii atu ia te ia i sumepalo leo tetele.

⁶Ia vivii atu ia Ioa o mea uma lava e mānava. Ia outou vivii atu ia Ioa.