Read Samoan Old Version Bible – O LE TUSI PAIA SALAMO, 20 Bible Online

SALAMO, 20 - Samoan Old Version Bible – O LE TUSI PAIA bible

SALAMO, 20

¹Ia faafofoga mai Ieova ia te oe i le aso o le puapuaga, ia faamamaluina oe i le suafa o le Atua o Iakopo.

²Ia tuuina atu e ia ia te oe o le fesoasoani mai le malumalu, ma ia lagolagoina oe e ia mai Siona.

³Ia manatua e ia au taulaga uma i mea e ‘ai, ia talia foi au taulaga mu. Selā.

⁴Ia foaiina e ia ia te oe e tusa ma lou lava loto, ma ia faataunuuina lau pule uma lava.

⁵Matou te fiafia i lau faaolataga; o le suafa foi o lo tatou Atua tatou te sii ai i luga o tatou tagavai; ia faataunuuina e Ieova au tatalo uma lava.

⁶O lenei, ua ou iloa e faaolaina e Ieova o le na ia faauuina; e tali mai o ia ia te ia ai lona lagi paia i le malosi o lona aao taumatau e ola ai.

⁷O loo ta‘uta‘u nisi i kariota, ma nisi i solofanua; a o i tatou ua tatou ta‘uta‘u le suafa o Ieova lo tatou Atua.

⁸E punonou i latou, ma latou pauu; a o i tatou, tatou te tutū i luga ma tutumau.

⁹Ieova e, ia e faaola mai; ia faafofoga mai le Tupu ia te i matou i le aso matou te valaau atu ai.