Read Samoan Old Version Bible – O LE TUSI PAIA SALAMO, 23 Bible Online

SALAMO, 23 - Samoan Old Version Bible – O LE TUSI PAIA bible

SALAMO, 23

¹O Ieova, o lo‘u leoleo mamoe o ia; e leai se mea ou te mativa ai.

²Na te ave a‘u i le mea e i ai le vao mu‘a ou te taoto ai; na te ta‘ita‘i ia te au i tafatafa o vai e tafe lemu.

³Na te faafoisia mai lo‘u agaga; na te ta‘ita‘i ia te au i ala o le amiotonu ona o lona suafa.

⁴E ui lava ina ou savali i le vanu o le ata o le oti, ou te le fefe lava i se mea leaga; auā o oe ta te faatasi ma a‘u; o lau laau ma lou tootoo e faamafanafanaina ai a‘u.

⁵E te laulau mai mea i le laoai ma a‘u i luma o e ita mai ia te au; ua e faauuina lo‘u ulu i le suāuu; ua taumasuasua la‘u ipu.

⁶E moni e mulimuli mai ia te au le agalelei ma le alofa i aso uma o lo‘u ola; ou te nofo foi i le fale o Ieova i aso e tele lava.