Read Samoan Old Version Bible – O LE TUSI PAIA SALAMO, 28 Bible Online

SALAMO, 28 - Samoan Old Version Bible – O LE TUSI PAIA bible

SALAMO, 28

¹Ieova e, lo‘u papa, ou te valaau atu ia te oe; aua ne‘i ē le tali mai ia te au; ina ne‘i ē le tali mai ia te au, ona tusa lea o a‘u ma e a o ifo i le lua.

²Ia e faafofoga mai i le leo o la‘u aioi atu, pe a ou alaga atu ia te oe, pe a ou sisii atu o‘u lima i le mea paia e fetalai mai ai.

³Aua ne‘i e tosina a‘u faatasi ma tagata amio leaga, ma e ua fai mea leaga; o e tautala faafifilemu i e latou te tuaoi, a e peitai o i o latou loto le leaga.

⁴Ia e avatu ia te i latou e tusa ma a latou amioga, e tusa foi ma le leaga o mea ua latou faia; ia e avatu ia te i latou e tusa ma le galuega a o latou lima; ia e taui atu ia i latou i mea ua latou faia.

⁵Auā latou te le mafaufau i mea ua faia e Ieova, ma galuega a ona aao; na te lepetia ai i latou, a e le ati ae ia te i latou.

⁶Ia faafetaia lava Ieova, auā ua na faafofoga i le leo o a‘u tatalo.

⁷O Ieova, o lo‘u malosi ma lo‘u talita o ia; na faatuatua lo‘u loto ia te ia, ona ou maua ai lea o le fesoasoani; o lea e fiafia ai lo‘u loto, ma ou vivii atu ia te ia i la‘u pese.

⁸O Ieova, o lo latou malosi ia, o ia foi o le malosi e ola ai le na ia faauuina.

⁹Ia e faaola i lou nuu, ma faamanuia lou tofi; ia e fafaga ia te i latou, ma ia e faaeaina i latou e oo i le faavavau.