Read Samoan Old Version Bible – O LE TUSI PAIA SALAMO, 29 Bible Online

SALAMO, 29 - Samoan Old Version Bible – O LE TUSI PAIA bible

SALAMO, 29

¹O outou atalii o e malolosi, tuuina atu ia ia Ieova, tuuina atu ia ia Ieova le viiga ma le malosi.

²Tuuina atu ia ia Ieova le viiga o lona suafa; ina ifo ia ia Ieova i le mea paia e matagofie.

³O loo i luga o vai le siufofoga o Ieova; o loo faititili mai le Atua mamalu; o Ieova, o loo i luga o vai e tele o ia.

⁴E malosi le siufofoga o Ieova; e mamalu le siufofoga o Ieova.

⁵O loo gauia arasi e le siufofoga o Ieova; o loo gauia e Ieova o arasi o Lepanona.

⁶O ia e osooso ai i latou e pei o se tamai povi; o Lepanona ma Siriona e osooso e pei o se tamai rema.

⁷O le siufofoga o Ieova e vaevae ai le mumū o le afi.

⁸O le siufofoga o Ieova e tetemu ai le vao; o Ieova e tetemu ai le vao o Katesa.

⁹O le siufofoga o Ieova ua faafanau ai aila, ua manunu ai foi le vao matua; o i totonu o lona malumalu foi e taitasi ma tautala i lona mamalu.

¹⁰Na tietie Ieova i luga o le lolo; e tietie lava Ieova o le Tupu e faavavau lava.

¹¹E aumaia e Ieova le malosi i lona nuu; e faamanuia e Ieova lona nuu i le filemu.