Read Samoan Old Version Bible – O LE TUSI PAIA SALAMO, 30 Bible Online

SALAMO, 30 - Samoan Old Version Bible – O LE TUSI PAIA bible

SALAMO, 30

¹Ieova e, ou te vivii atu ia te oe; auā ua e faaeaina a‘u; ua e le tuuina atu i e ua ita mai ia te au ia latou mitamita mai ia te au.

²Ieova e lo‘u Atua, na ou alaga atu ia te oe, ona e faamaloloina ai lea o a‘u.

³Ieova e, ua e avae ia te au ai le tuugamau; ua e faaolaina a‘u, ne‘i ou alu ifo i le lua.

⁴O outou na o ona tagata amio Atua, ia outou pepese atu ia Ieova, ma ia outou vivii pe a manatua lona paia.

⁵Auā o lona toasa ua se emo o le mata lea, a o lona alofa tunoa o le ola lava lea; e afe ane le tagi i le afiafi, a o le alaga fiafia i le taeao.

⁶Na ou fai atu lava a‘u ina ua ou manuia, E le faagaeetia a‘u e oo i le faavavau.

⁷Ieova e, o lou alofa lava na e faatumauina ai le malosi i lo‘u mauga; ua e liliu ese ou fofoga, ona ou atuatuvale ai lea.

⁸Ieova e, ua ou alaga atu ia te oe; ma ou aioi atu ia Ieova.

⁹Se a le aoga o lo‘u toto i lo‘u alu ifo i le tuugamau? E vivii ea le eleele ia te oe? Pe na te faaali atu ea lou faamaoni?

¹⁰Ieova e, ia e faafofoga mai, ma alofa mai ia te au. Ieova e, ia fai oe mo‘u fesoasoani.

¹¹Ua e liua lo‘u tagitu‘i i le siva; ua e talaeseina lo‘u ie talatala, a e fusia a‘u i le fiafia;

¹²ina ia pese atu ia te oe lo‘u mamalu, ma le le mapu; Ieova e lo‘u Atua, ou te vivii atu ia te oe e faavavau lava.