Read Samoan Old Version Bible – O LE TUSI PAIA SALAMO, 32 Bible Online

SALAMO, 32 - Samoan Old Version Bible – O LE TUSI PAIA bible

SALAMO, 32

¹Amuia le tagata ua faamagaloina lona solitulafono, ma ua ufitia lana agasala.

²Amuia le tagata e le ta‘usalaina e Ieova, e leai foi se ‘ole‘olega i lona loto.

³Na ou faalologo, ona palagia ai lea o o‘u ivi i lo‘u faataio i le aso atoa;

⁴auā sa mamafa lou aao i luga ia te au i le ao atoa foi ma le po; ua liua lava lo‘u malosi i le vevela o le tausaga vevela. Selā.

⁵Ona ou faailoa atu ai lea ia te oe o la‘u agasala, na ou le ufitia foi la‘u amioletonu; sa ou faapea, Ou te faaali atu ia Ieova o‘u solitulafono; ona e aveesea ai lea o le leaga o la‘u agasala. Selā.

⁶O le mea lea e tatalo atu ai ia te oe o e amio Atua uma lava, i ona po e maua ai oe; e moni, e le oo ia te i latou tafega o vai e tele.

⁷O oe lava lo‘u lafitaga, e te leoleoina a‘u i le puapuaga, e te siosiomia a‘u i siva o le olataga. Selā.

⁸Ou te a‘oa‘o ia te oe, ma faasino ia te oe i lea lava ala e te savali ai; ou te faatonu ia te oe, ma ou vaai ia te oe.

⁹Aua e te faapei o le solofanua, po o le falata, e le o i ai se mafaufau, o latou teuga o le faagutu ma le taofi e taofi ai, auā ua latou le faalatalata mai ia te oe.

¹⁰E tele mea tiga e oo i e amio leaga; a o lē faatuatua ia Ieova e siomia o ia i le alofa.

¹¹Ina fiafia ia ia Ieova, ma olioli o outou o e amiotonu; ina alalaga ia ma le fiafia o outou uma o e ua faamaoni o outou loto.