Read Samoan Old Version Bible – O LE TUSI PAIA SALAMO, 43 Bible Online

SALAMO, 43 - Samoan Old Version Bible – O LE TUSI PAIA bible

SALAMO, 43

¹Le Atua e, ia e faamasino ia te au, ma ia e faia la‘u finauga i le nuu faalealofa; ia e laveai mai ia te au ai le tagata faa‘ole‘ole ma le amio leaga.

²Auā o oe o le Atua ou te malosi ai; se a le mea ua e lafoai mai ai ia te au? Se a le mea ou te fealuai ai ma le eleelea, ona o le saua o le ua ita mai?

³Ia e aauina lou malamalama ma lau upu moni, ia la ta‘ita‘i mai ia te au, ia la faaoo ia te au i lou mauga paia ma lou malumalu.

⁴Ona ou alu atu ai lea i le fata faitaulaga o le Atua, o le Atua ou te matuā fiafia i ai; le Atua e, lo‘u Atua ou te vivii atu ia te oe i le kitara.

⁵Lo‘u agaga e, se a ea le mea ua e faanoanoa ai? Ua atuatuvale foi oe i totonu ia te au i se a? Ia e faamoemoe i le Atua, auā ou te toe vivii ia te ia, o lo‘u faaolataga ia ma lo‘u Atua.