Read Samoan Old Version Bible – O LE TUSI PAIA SALAMO, 53 Bible Online

SALAMO, 53 - Samoan Old Version Bible – O LE TUSI PAIA bible

SALAMO, 53

¹Ua fai ifo le tagata valea i lona loto, E leai se Atua. Ua leaga lava i latou, ua inosia a latou amioga; e leai lava se tasi ua amio lelei.

²Na silasila mai le Atua mai le lagi i le fanau a tagata, ina ia silafia pe ai se tasi ua poto, o se na te sailia le Atua.

³Ua latou taitasi ma foi i tua, ua leaga faatasi lava i latou; e leai se tasi ua amio lelei, e leai lava se tasi.

⁴E le o iloa ea o e fai amioleaga? Ua latou aai i lo‘u nuu, e pei ona latou aai i le mea e ‘ai; ua latou le valaau i le Atua.

⁵Ua latou matuā matatau i lea mea sa leai se mea e matatau ai; auā na faataapeapeina e le Atua o ivi o le na to lauapi mai ia te oe; na faamaina i latou, auā ua ino‘ino le Atua ia te i latou.

⁶E! Fia iloa se na te aumaia le olataga o Isaraelu mai Siona. Pe a faafoisia mai e le Atua le tafeaga o lona nuu, ona olioli ai lea o Iakopo, e fiafia ai Isaraelu.