Read Samoan Old Version Bible – O LE TUSI PAIA SALAMO, 61 Bible Online

SALAMO, 61 - Samoan Old Version Bible – O LE TUSI PAIA bible

SALAMO, 61

¹Le Atua e, ia e faafofoga mai i la‘u alaga; ia e liliu mai i la‘u tatalo.

²Ou te valaau atu ia te oe ai le gataaga o le nuu, pe a faavaivai lo‘u loto; ia e ta‘ita‘iina a‘u i le papa e sili ona maualuga ia te au.

³Auā ua fai oe mo‘u malu, o le ‘olo malosi ai le ua ita mai.

⁴Ou te nofo e faavavau lava i lou fale fetafai; ou te faatuatua i le paolo o ou apaau. Selā.

⁵Auā o oe, le Atua e, ua e faafofoga mai i a‘u tautoga; na e foaiina mai le tofi o e matatau i lou suafa.

⁶E te faaualoaina le soifua o le tupu; ia avea ona tausaga ia autupulaga.

⁷E tietie o ia e faavavau i luma o le Atua; ia e saunia le alofa ma le faamaoni la te leoleoina ai o ia.

⁸Ona ou fai pesega ai lea i lou suafa e faavavau, ina ia ou avatua i lea aso ma lea aso o mea na ou tauto ai.