Read Samoan Old Version Bible – O LE TUSI PAIA SALAMO, 67 Bible Online

SALAMO, 67 - Samoan Old Version Bible – O LE TUSI PAIA bible

SALAMO, 67

¹Ia alofa mai le Atua ia i matou, ma ia faamanuia mai i matou; ia malamalama mai ia te i matou ona fofoga. Selā.

²Ina ia iloa lou ala i le lalolagi, o le olataga mai ia te oe i nuu ese uma lava.

³Le Atua e, ia viia oe e le nuu; ia viia lava oe e le nuu, o i latou uma lava.

⁴Ia fiafia nuu, ia latou alalaga fiafia; auā e te faamasino tonu mai i tagata, e te ta‘ita‘i foi i nuu o i le lalolagi. Selā.

⁵Le Atua e, ia viia oe e le nuu; ia viia lava oe e le nuu, o i latou uma lava.

⁶Ua fua mai e le laueleele ona lava fua; o le Atua, o lo matou Atua lava na te faamanuia mai i matou.

⁷O le Atua na te faamanuia mai i matou; ona matatau ai lea ia te ia o tulu‘iga uma o le lalolagi.