Read Samoan Old Version Bible – O LE TUSI PAIA SALAMO, 70 Bible Online

SALAMO, 70 - Samoan Old Version Bible – O LE TUSI PAIA bible

SALAMO, 70

¹Le Atua e, ia vave ona e laveai mai ia te au; Ieova e, ia vave ona e fesoasoani mai ia te au.

²Ia mamā ma ia masiasi e ua sailiili ia ou oti; ia liutuaina ma ia faamaina e ua mananao i se mea e leaga ai a‘u.

³Ia faaliliuina i latou ona o lo latou mā, o e faapea ane, Ue! Ue!

⁴Ia olioli ma fiafia ia te oe i latou uma o e sailiili ia te oe; ia fai ane pea i latou o e fiafia i lau faaolataga, Ia viia le Atua.

⁵A o a‘u, ua ou puapuagatia a‘u, ma le mativa; le Atua e, ia e vave mai ia te au; o lo‘u fesoasoani ma lo‘u faaola, o oe lava lea; Ieova e, aua lava e te tuai mai.