Read Samoan Old Version Bible – O LE TUSI PAIA SALAMO, 82 Bible Online

SALAMO, 82 - Samoan Old Version Bible – O LE TUSI PAIA bible

SALAMO, 82

¹O loo tu le Atua i le faapotopotoga a le Atua; o loo faamasino ia i luma o atua.

²Tou te faamasino ma le le tonu seia afea? Ma outou faailogaina e ua amio leaga seia afea? Selā.

³Ia outou faamasinoina e ua vaivai ma ē mātuaoti; ia outou ta‘uamiotonuina e ua puapuaga ma ē matitiva.

⁴Ia outou faaola i e vaivai ma ē matitiva; ia outou laveaiina i latou ai le lima o e amio leaga.

⁵Latou te le iloa, e le mafaufau foi i latou; e savavali pea i latou i le pouliuli; e faagaeetia faavae uma o le lalolagi.

⁶O a‘u, na ou faapea ane, O atua outou; o fanau foi outou uma a lē Silisili ese.

⁷A e moni, tou te oti lava e pei o tagata, e pauu foi outou e pei o se tasi alii.

⁸Le Atua e, ia e tulai mai, ia e faamasino le lalolagi; auā o oe, e te faia nuu uma lava mou tofi.