Read Samoan Old Version Bible – O LE TUSI PAIA SALAMO, 85 Bible Online

SALAMO, 85 - Samoan Old Version Bible – O LE TUSI PAIA bible

SALAMO, 85

¹Ieova e, ua e fiafia lava i lou nuu; ua e faafoisia mai le tafeaga o Iakopo.

²Ua e faamagaloina le amio leaga a lou nuu, ua e ufitia a latou agasala uma lava. Selā.

³Ua e aveesea lou ma‘ema‘eā uma lava; ua e liliu ese lou toasa mamafa.

⁴Le Atua e, o lo matou faaolataga, ia e faafoisia mai i matou; ia e faamavae atu foi lou toatamai ia te i matou.

⁵E faavavau ea lou toasa ia te i matou? E te faauaoloa ea lou ma‘ema‘eā e au tupulaga?

⁶E te le toe faaolaola mai ea ia te i matou; ina ia fiafia lava lou nuu ia te oe?

⁷Ieova e, ia e faailoa mai ia te i matou lou alofa; ia e foaiina mai foi ia te i matou le olataga mai ia te oe.

⁸Ou te faalogologo atu i mea e fetalaia mai e Ieova le Atua; auā na te fetalai mai ia manuia lona nuu atoa ma ona tagata amio Atua; a e aua ne‘i latou toe liliu atu i le valea.

⁹E moni, ua latalata lana olataga i e ua matatau ia te ia; ina ia tumau ai le mamalu i lo tatou nuu.

¹⁰O le alofa ma le faamaoni ua la fetaiai; o le amiotonu ma le filemu ua la feasogi.

¹¹E tupu ae le faamaoni ai le lalolagi; e vaavaai ifo foi le amiotonu mai le lagi.

¹²E foaiina mai e Ieova lava le manuia; e fua mai foi e lo tatou laueleele ona lava fua.

¹³E muamua atu i ona luma le amiotonu; na te faatumauina foi ona vae i le ala.