Read Samoan Old Version Bible – O LE TUSI PAIA SALAMO, 93 Bible Online

SALAMO, 93 - Samoan Old Version Bible – O LE TUSI PAIA bible

SALAMO, 93

¹O loo fai Ieova ma tupu, e ofu o ia i le mamalu; e ofu Ieova i le malosi, ua fusia ai o ia e ia; e faatumauina foi le lalolagi, e le faagaeetia.

²O tumau lou nofoālii talu anamuā; talu mai le vavau lava oe.

³Ieova e, ua taalili mai vaitafe, o vaitafe ua taalili ae o latou leo; o vaitafe ua taalili ae o latou gogolo.

⁴O Ieova o i le mea maualuga, e sili ona malosi o ia i le taalili o vai e tele, o peau malolosi o le sami.

⁵O āu mau e matuā faamaoni ia; e onomea lava ona paia o lou fale, Ieova e, e faavavau lava.